Chitima
Kumbi ndi vakuwoniyapu va mu Bayibolu nivi vo vilongo kuti mbuheni cha kuliya asani munthu munyaki watayika?
Gene. 23:2; 24:67; 37:34, 35; 42:36; Yoha. 11:19, 31, 33-36
Wonani so 2 Samu. 1:17-27; Machi. 9:36-39
Kumbi ntchinthu wuli cho chilongo kuti Yehova wakhumbisiska kupembuzga ŵanthu wo ŵe ndi chitima?
Kumbi kuziŵa uneneska wa vo vichitika asani munthu wafwa kutitipembuzga wuli?
Vakuwoniyapu va mu Bayibolu vo vingakuwovyani:
Luka 20:37, 38—Yesu wangukonkhoska kuti chiyuka chiliku nadi chifukwa kwaku Yehova ŵanthu wosi wo akufwa aja nge kuti mbamoyu
Yoha. 11:5, 6, 11-14—Mubwezi waki wapamtima Lazaro wati wafwa, Yesu wanguyeruzgiya nyifwa ndi kugona tulu
Ahe. 2:14, 15—Wakutumika Paulo wangukamba kuti tikhumbika cha kuja mu ukapolu wakopa nyifwa
Ntchifukwa wuli Yehova wawona kuti zuŵa lakufwiya ndakuzirwa ukongwa kuluska zuŵa lakuwiya?
Kumbi Bayibolu likambanji pa nkhani ya nyifwa, nanga Chiuta wazamuchitanji nayu nyifwa?
Ntchifukwa wuli tisimikiza kuti chiyuka chazamuŵaku nadi?
Yesa. 26:19; Yoha. 5:28, 29; Machi. 24:15
Vakuwoniyapu va mu Bayibolu vo vingakuwovyani:
Bayibolu likamba za ŵanthu 8 wo anguyuskika ndi kulutirizga kuja pacharu chapasi kweniso likamba zaku Yesu yo wanguyuskika ndi kuluta kuchanya. Nkhani zosi zenizi zingamuwovya kweniso kumupembuzga munthu yo mubali waki watayika
1 Mafu. 17:17-24—Mchimi Eliya wanguyuska mwana munthulumi wa choko chaku Zarefati mutawuni ya Sidoni
2 Mafu. 4:32-37—Muchimi Elisha wanguyuska munyamata yo wajanga mutawuni ya Shunemu ndipu wangumupereka kwa apapi ŵaki
2 Mafu. 13:20, 21—Munthu yo wangufwa wati wakwaska viwanga vaku Elisha wanguyuka
Luka 7:11-15—Mutawuni ya Nayini, Yesu wangukumana ndi gulu la ŵanthu lo lalutanga kumasanu kuchiŵika mwana wa choko yo wangufwa ndipu iyu wangumuyuska
Luka 8:41, 42, 49-56—Yesu wanguyuska mwana munthukazi waku Yairo yo wenga mulongozgi wa sinagogi
Yoha. 11:38-44—Yesu wanguyuska mubwezi waki wapamtima Lazaro ndipu wangumupereka kwa azichi ŵaki, Marita ndi Mariya
Machi. 9:36-42—Wakutumika Peturo wanguyuska munthukazi wachikhristu zina laki Dorika, yo waziŵikanga kuti ngwalisungu kweniso wakupaska
Machi. 20:7-12—Wakutumika Paulo wanguyuska mnyamata munyaki zina laki Utiko yo wangufwa chifukwa chakuti wanguwa pawindu
Vo Yehova wanguchita pakuyuska Yesu vilongore limu kuti Yehova wazamufiska malayizgu ngosi
Chinanga kuti Yesu ndiyu wenga munthu wakwamba kuluta kuchanya wati wayuskika, kweni iyu ngwakumaliya cha chifukwa a 144, 000 nawu ayuskika ndi kuluta kuchanya