Vo ve Mukati

Kumbi ndi vinthu vilinga vo mukulayizga Yehova? Kumbi ntchimoza, viŵi pamwenga vinandi? Kumbi muwona kuti muchita vinthu mwakukoliyana ndi vo mukulayizga? Nanga wuli za layizgu linu la kujipatuliya kwaku Yehova pamwenga la nthengwa? Nkhani iyi, yititikumbusa chakuwoniyapu chamampha cho Jefta ndi Hana akutilongo po titesesa kufiska vo tikulayizga Chiuta.

Kanandi tiŵanaŵaniya vinthu vo Yehova wazakutipasa muparadayisu, kweni mu nkhani iyi tikambisanengi ukongwa vo wazamutuzgapu. Kumbi Yehova wazamutuzgapu vinthu wuli ndi chilatu chakuti pacharu pazije chimangu kweniso likondwa? Kuŵanaŵaniya kwamuka kwa mafumbu yanga kutiwovyengi kuja ndi chivwanu chakukho ndipuso kuti tiyesesengi kukunthiyapu.

Chivwanu chidu, kujiyuyuwa kweniso kugomezeka kwidu vingayeseka, asani tiwona kuti vinthu vambula urunji vititichitikiya pamwenga vichitikiya ŵanthu anyaki. Munkhani izi tikambisanengi vakuchitika vitatu va m’Bayibolu vo vingatiwovya kuti tiwonengi vinthu nge Yehova pa nkhani ya urunji.

Chinanga kuti Yehova wakhumbikiya chechosi cha, kweni wakondwa asani wawona kujipereka ko tichita pakovya ulamuliru waki. Lemba la Ŵeruzgi chaputala 4 ndi 5 lilongo kuti Yehova waziŵa asani tikhumbisisa kuvwiya ulongozgi waki.