Vo ve Mukati

Vo tiziŵa vingaŵa vambula ntchitu asani tileka kuvigwiriskiya ntchitu. Kweni kuti munthu wachiti vo wasambira wakhumbika kujiyuyuwa. Mu nkhani iyi tisambirengi mo tingachitiya vinthu nge ŵanthu akali akujiyuyuwa wo apharazgiyanga ŵanthu amitundu yosi, apempheriyanga anyawu ndi kulindizga Yehova kuti wachitepu kanthu.

Mu nyengu zinu zakusuzga, tingaguŵa ndi masuzgu ngo tikumana nangu. Yehova ndi Yesu atitiwovya kukunthiyapu. Kweni tosi te ndi udindu wakuchiska ndi kupembuzga anyidu. Nkhani iyi yikonkhoska vo tingachita kuti tilutirizgi kuzengana mu chanju.

Yehova ndi Chiuta walikondwa yo wakhumba kuti ateŵeti ŵaki akondwengi. Kumbi tingachita wuli kuti tikondwengi chinanga kuti tikumana ndi masuzgu? Pa Upharazgi wa Paphiri Yesu wangukambapu vinthu vo vingatiwovya kuti tikondwengi.

Mazuŵa nganu, ŵanthu aŵanaŵaniya anyawu cha. Kweni ŵanthu aku Yehova apambana ndi ŵanthu ŵenaŵa chifukwa atanja anyawu. Nthowa yimoza yo alongore kuti ŵe ndi chanju njakuti aŵanaŵaniya anyawu. Mu nkhani ziŵi izi tisambirengi mo Yehova walongore kuti watitiŵanaŵaniya kweniso mo isi tingachitiya nge iyu pa nkhani yakuŵanaŵaniya ŵanthu.