Vipharazgu

◼ Mabuku ngakugaŵiya mu March: Kodi Baibulo Limaphunzitsa Chiyani Kwenikweni? Apharazgi atenere kuyesesa kwambisa sambiru la Bayibolo ndi ŵanthu wo aŵagaŵiya buku ili pamwenga wo ŵenalu kali. April ndi May: Magazini nga Nsanja ya Olonda ndi Galamukani. Asani muwere so ku ŵanthu akunweka, kusazgiyapu wo anguza pa Chikumbusu kweniso pavakuchitika vinyaki va mpingu kweni atuza nyengu zosi cha pa unganu wa mpingu, agaŵiyeni buku la Kodi Baibulo Limaphunzitsa Chiyani Kwenikweni? Chakulata chije kwambisa sambiru la Bayibolo. June: Gaŵiyani buku la Kodi Baibulo Limaphunzitsa Chiyani Kwenikweni?

◼ Asani mwalonde waka magazini nga Nsanja ya Olonda ndi Galamukani, mutenere kugaŵiya apharazgi kuchitiya kuti aziŵi umampha nkhani zo zilimu ŵechendayambi kugaŵiya magazini mu uteŵeti wa kumunda. Kukamba uneneska nchinthu chazeru kuti apharazgi asungengi dankha magazini ndi chakulata chakuti azingagaŵiyengi mu mwezi wakwenele.

◼ Chikumbusu chazamuchitika pa Chiŵi, March 30, 2010. Asani mpingu winu uchita maunganu pa Chiŵi, yesesani kungasinthiya pa zuŵa linyaki mukati mwa sabata yeniyo. Asani mipingu yinandi yigwiriskiya nchitu Nyumba ya Ufumu yimoza ndipu nkhwakusuzga kusinthiya unganu pa zuŵa linyaki, mbwenu mukhoza kuubaya waka. Vigaŵa vinyaki va Unganu wa Uteŵeti vo muwona kuti vakukhumbika ukongwa pa mpingu winu, mungavisazga pa Unganu unyaki wa Uteŵeti.