Kuweriyamu mu vo Tikusambira mu Sukulu ya Uteŵeti Waku Chiuta
Mafumbu yanga mwazamukambiskana pa Sukulu ya Uteweti Waku Chiuta, sabata yakwambiya August 30, 2010. Wakuwonere Sukulu wazamulongoza mafumbu ngakuweriyamu ngo ngatuliya pa nkhani zo tikusambira kwambiya sabata ya July 5 mpaka August 30, 2010, kwa maminiti 20.
1. Kumbi kuŵanaŵaniya rombu laku Solomoni pakupereka kasopi, kutitiwovya wuli kuziŵa umunthu waku Yehova? (1 Ŵaka. 8:22-53) [w05-CN 7/1 peji 30 ndimi 3]
2. Chinanga kuti Davidi wanguchita maubudi nganandi, nchifukwa wuli tingakamba kuti wangwenda paurongo paku Yehova “mu ukongorekwa wa mtima”? (1 Ŵaka. 9:4) [w97-CN 5/1 peji 5 ndimi 1-2]
3. Nchifukwa wuli fumukazi ya ku Sheba, yingukamba ndi Solomoni kuti, “Mbakukondwa ŵaŵanda ŵinu yaŵa, wo nyengu zose ŵatuma paurongo pinu kuvwa zeru yinu”? (1 Ŵaka. 10:4-8) [w99-CN 11/1 peji 20 ndimi 5-7]
4. Kumbi tisambiranji pa vo Yehova wangulangula kuti Abija waŵikiki mwaulemu? (1 Ŵaka. 14:13) [cl-CN peji 244 ndimi 11]
5. Nchifukwa wuli nyengu yo Eliya wangulutiya kwaku Ahabu paulendu waki wakwamba, yenga yakukhumbika ukongwa? (1 Ŵaka. 17:1) [w08-CN 4/1 peji 19 ndi bokosi]
6. Kumbi Eliya wang’anamuwanganji po wangukamba mazu ngakuti “mwendenge ŵakuganthiyaganthiya ndi makhumbo ghaŵi ghakupambana?” (1 Ŵaka. 18:21) [w08-CN 1/1 peji 19 ndimi 3-4]
7. Nge po tawone mu chakuchitika chaku Eliya, kumbi Yehova waja ndi chilatu wuli pakugwiriskiya nchitu nthazi zaki pa ateŵeti ŵaki? (1 Ki. 19:1-12) [cl-CN peji 42-43 ndimi 15-16]
8. Nchifukwa wuli Naboti wangukana kuguliska munda waki wa mphereska kwaku Ahabu, nanga tisambiranjipu pa chakuchitika chenichi? (1 Ŵaka. 21:3) [w97-CN 8/1 peji 13 ndimi 18-20]
9. Kumbi munthukazi waku Shunemu ‘wangujitole wuli suzgu’ chifukwa chaku Elisha? (2 Ŵaka. 4:13) [w97-CN 10/1 peji 30 ndimi 6-8]
10. Nchifukwa wuli Elisha wangukana kulonde chawanangwa kutuliya kwaku Namani? (2 Ŵaka. 5:15, 16) [w05-CN 8/1 peji 9 ndimi 2]