Tumbikani Yehova ndi Chuma Chinu-Chigaŵa Chakwamba
1. Ŵerengani Nthanthi 3:9. Nge mo lemba ili likambiya, mipingu yosi yikhumbika kuja ndi mabokosi ngakuponyamu vakupereka. Ivi vititipaska mwaŵi wakuti tosi mwakukhumba tija, tiwovyi vigaŵa vakupambanapambana va kusopa kwauneneska. Kumbi mabokosi ngosi nga vakuperka ngagwira nchitu wuli? Kumbi ngatenere kugwiriskikiya nchitu wuli? Tikambiskanengi mafumbu ngenanga kwa myezi yimanavi yo yituza m’nkhani ya vigaŵa vitatu yeniyi. Chigaŵa chakwamba chikonkhoska mo tingagwiriskiya nchitu bokosi lo likulembeka kuti, “Zopereka za Ntchito ya Padziko Lonse—Mateyu 24:14.”
2 Vakupereka va Nchitu ya Pacharu Chosi—Mateyu 24:14: Tigwiriskiya nchitu bokosi ili, kuti tiwovyi nchitu ya pacharu chosi ya kupharazga. Kuti tilongo kuti tiwonga mabuku ngidu, ndipuso kuwovya pa nchitu ya kupharazga, tiponya ndalama zidu mu bokosi lenili. Ndalama zo ŵanthu apereka mu uteŵeti, nazuso zikhumbika kuziponya mu bokosi lenili. Ndalama zenizi zitenere kutumizika pamwenga kuŵikika ku akaunti ya Ofesi ya nthambi mwezi wewosi. Ndalama zo ziponyeka mu bokosi lenili zingagwiriskikiyanga ntchitu pakovye mpingu pamwenga vakusoŵa va dera cha. Chilatu cha kuponya ndalama mu bokosi lenili, nkhukhumba kuwovya nchitu yakupharazga, ya pacharu chosi.
[Mafumbu]
1. (a) Kumbi nthowa yimoza yo tingatumbikiya Yehova ndi niyi? (b) Kumbi mabokosi ngosi ngakuponyamu vakupereka ngagwira nchitu yakuyanana?
2. (a) Kumbi bokosi lo lilembeka kuti “Zopereka za Ntchito ya Padziko Lonse—Mateyu 24:14,” nda ntchitu wuli? (b) Kumbi ndalama zenizi mutenere kuchita nazu wuli mwezi wewosi? (c) Kumbi nchinthu wuli cho mutenere cha kuchita nazu ndalama zenizi?