Vakuchitika va mu Uteŵeti Wakumunda

Magazini ngidu nge ndi uthenga wakutaska umoyu. Nchinthu chakukondwesa ukongwa kuwona kuti anandi atingagwiriskiya nchitu. Mwakuyeruzgiyapu, mu mwezi wa December 2010, tingugaŵiya magazini ngakukwana 408,865, ndipuso tinguchitiska masambiru nga Bayibolo ngakukwana 82,720. Ivi vilongo kuti mupharazgi weyosi wanguchitiska sambiru la Bayibolo limoza ndipuso chiŵerengeru ichi chenga chapachanya ukongwa m’chaka chamala. Te ndi chigomezgu chakuti anandi mwa ŵanthu yaŵa alutirizgengi kumwa maji nga umoyu wo mbuthenga wamampha. (Chivu. 22:17) Tingukondwa kulonde malipoti nga uteŵeti nga myezi yakuvuli ngo nganguswera kutumizika. Tigomezga kuti mawupu nga ŵara ngalutirizgengi kutumiza malipoti nga uteŵeti ku ofesi ya nthambi mwezi wewosi.