Kutumbika Yehova ndi Chuma Chidu

Nchinthu chakukondwesa ukongwa kuwona mo mzimu waku Yehova uchiskiya achinyamata kuwovya pa nchitu yaki. Pe nkhani inyaki yakukondwesa ya mnyamata wa vyaka 9 wa mpingu wa Chirimba North, yo wanguluta kuchiwona ofesi yidu ya nthambi ku Lilongwe. Chifukwa cha vo wanguwona, wati wawere kunyumba wanguchitumiza ndalama yakukwana K1,000 kuti yiwovyi pa nchitu ya pacharu chosi. Apapi ŵaki ndiwu angumupasa ndalama iyi wati wakamba umampha nkhani ya mu Sukulu ya Uteŵeti Waku Chiuta. M’malu mwakugula vinthu vinyaki vo wakhumbanga, iyu wangusankha kupereka ndalama iyi kuti yiwovyi pa nchitu yakupharazga. Ichi nchakuwoniyapu chamampha ukongwa kwaku isi tosi!​—⁠2 Ŵako. 9:⁠7.