Vipharazgu

◼ Mabuku ngakugaŵiya mu: February: Gaŵiyani Chinsinsi cha Chimwemwe cha Banja. March ndi April: Kumbi Bayibolo Lisambizanji Weniukongwa? ndipu yesesani kwambisa masambiru nga Bayibolo pa ulendu wakwamba. May: Gaŵiyani magazini nga Nsanja ya Olonda ndi Galamukani! Asani nkhwakwenere, gaŵaiyani kapepala kakuti Kumbi Mungayanja Kuziŵa Uneneska? ◼ Nkhani ya pade yo yazamukambika pavuli pa Chikumbusku yazamuja ya mutu wakuti, “Kumbi Umari we Pafupi?”

◼ Asani mukhumba kuluta ku charu cho chikuleka kulembeka pa lipoti lasonu la chaka cha uteŵeti mu Uteŵeti Widu wa Ufumu, chondi kambiskanani dankha ndi ofesi ya nthambi kuti yikukambiyeni vinthu vo mutenere kutcheŵa navu pamwenga ulongozgi wo mutenere kulondo. Vingachitika kuti nchitu ya Ufumu njakukanizgika mu chigaŵa cho. (Mate. 10:16) Mu vyaru vinyaki akhumba cha kuti alendu akumanengi ndi Akaboni pamwenga mipingu ya mu charu cho. Mungalonde ulongozgi unyaki wakukwaskana ndi upharazgi wa mwamwaŵi pamwenga mo mungapingiya mabuku. Kuvwiya ulongozgi wo mungalonde kuwovyengi kuti nchitu ya Ufumu yileki kutimbanyizika ndipuso kuti imwi muleki kukumana ndi masuzgu mu charu cho mwalutaku.​—⁠1 Ŵako. 14:​33, 40.