Vakuchitika va mu Uteŵeti Wakumunda

Lemba la Mika. 5:5 likamba kuti: “Timuyuskiyi ŵaliska ŵankhondi ndi ŵaŵi [7], ndi ŵakaronga ŵankhondi ndi ŵatatu [8].” Sukulu Yakusambiza Bayibolo ya Abali Ambula Kuto yiwovya ukongwa pakufiska uchimi wenuwu munu mu Malawi. Nchinthu chakukondwesa kuti panyengu yinu makilasi ngakukwana 13 ngachitika kali. Chifukwa cha sukulu yeniyi, pe abali akukwana 343 wo akumaliza masambiru ngawu, wo ateŵete mu mipingu yakupambanapambana. Anyaki mwa abali ŵenaŵa ateŵete nge apayiniya anyengu zosi ndipu anyaki nge apayiniya apade. Tosi tiwonga ukongwa kuja ndi abali ŵenaŵa mu mipingu yidu!