Vipharazgu

◼ Mabuku ngakugaŵiya mu: January ndi February 2013: Apharazgi angagaŵiya timabuku iti: Kumbi Chiuta Watitiŵanaŵaniya Nadi?, Asani Munthu yo Mutanja Watayika, pamwenga Mungathe Kukhala Bwenzi la Mulungu. Asani muwere kwa ŵanthu wo mukuŵapharazgiyapu kali, muyesesengi kuŵalongo mo tisambiriya Bayibolo mwakugwiriskiya nchitu buku la Bayibolo Lisambizanji pamwenga timabuku takuti Vwiyani Chiuta Kuti Muje ndi Umoyu Wamuyaya pamwenga Vwiyani Chiuta. March ndi April 2013: Gaŵiyani magazini nga Nsanja ya Olonda ndi Galamukani! Asani mphakwenere gaŵiyani timabuku takuti Vwiyani Chiuta pamwenga Vwiyani Chiuta Kuti Muje ndi Umoyu Wamuyaya. Asani muwere kwa ŵanthu wo mukuŵapharazgiyapu kali, muŵalongongi buku la Bayibolo Lisambizanji ndipu yesesani kwambisa sambiru la Bayibolo.

◼ Mutu wa nkhani yo wakuwonere dera wakambengi kukumaliya kwa chaka cha uteŵeti cha 2013 ngwakuti ‘Uthenga Wamampha . . . ku Mitundu Yosi ndi Fuku ndi Chineneru Chechosi.’

◼ Tosi te ndi mwaŵi wakupereka vawanangwa mwalikondwa. (2 Ŵakor. 9:7) Mabokosi nga vakupereka vawanangwa ngaŵikika m’malu ngakupambanapambana pa unganu wachigaŵa kweniso mu Nyumba za Ufumu, kuti wo akhumba aponyengemu ndalama zakovye pa nchitu yakupharazga ya pacharu chosi. Ziŵani kuti ofesi ya nthambi ya charu chechosi ndiyu yiphwere vakupereka va nchitu ya pacharu chosi ya Akaboni aku Yehova. Mwaviyo, vingaŵa umampha kuti asani mukhumba kupereka ndalama mwakugwiriskiya nchitu cheki, chilembeki kuti chiluti ku “Association of Jehovah’s Witnesses of Malawi.” Tawonga ukongwa chifukwa chakuziŵa va kusintha uku.