Vakuchitika va mu Uteŵeti Wakumunda

Lemba la Mateyu 21:16 likamba kuti: ‘Mu mulomu mwa ŵana, ndipuso mwa ŵana akonkha mutuwa mazu ngakuthamika.’ Mwakuyanana ndi mazu yanga, zuŵa linyaki, mwana wa vyaka vitatu zina laki Estere, wenga ndi anyina mu upharazgi wa nyumba ndi nyumba. Nyengu yinyaki anguja pasi kuti apumuweku kamanavi. Estere wangugaŵiya kapepala munthukazi munyaki yo wajumphanga munthowa, kamutu wakuti, Kondwani ndi Umoyu wa Mbumba. Mwana yo wanguti: “Kapepala yaka kakamba za banja.” Munthukazi uyu wangukayanja kapepala ko chifukwa wenga ndi masuzgu nga m’banja. Ivi vilongo kuti nkhwamampha kusambiza ŵana ŵidu kuthamika Yehova ŵeche anamana!—Nthanthi 22:6.