Kumbi Muchitengenji pa Nyengu ya Maholidi?

Nyengu ya maholidi njamampha ukongwa kupharazga chifukwa ŵanthu anandi asanirika pakhomu. Mipingu yichiskika kunozga ndondomeku yakupharazga pa nyengu ya maholidi. Chipharazgu chakukwaskana ndi ndondomeku ya kupharazga pa nyengu ya holidi chitenere kupharazgika pa Unganu wa Uteŵeti ndipuso mutenere kuchiska wosi wo angayanja kugwiriskiya nchitu mwaŵi wenuwu. Maholidi ngatitipaska nadi mpata wakupumuliya kweniso kuphwere vinthu vinyaki vakuliŵavu. Kweni titenere kuyesesa kupatuwa nyengu yakupharazgiya. Asani tingachita viyo, tikondwengi ndi vitumbiku vo tingasaniya chifukwa chakugwiriskiya nchitu nyengu yidu kuchita uteŵeti wakupaturika.—Mat. 11:29, 30.