Vakuchitika va mu Uteŵeti Wakumunda

Chaka chinu mu mwezi wa May, muzichi munyaki yo wateŵete pa Beteli wangupinga magazini 60 wachiluta kuchiwona anyina wo aja chakumpotu kwa Malawi. Iyu wangugaŵiya Rasi yo wanguja nayu pafupi mubasi magazini ngaŵi nga Galamukani! Pavuli paki wanguromba kwaku Yehova kuti wamuwovyi kuja ndi chiganga kuti wagaŵiyi so magazini ngosi ngo wenga nangu. Basi yati yayenda maora ngaŵi tayara linguphumuka ndipu ŵanthu wosi angusika. Pengavi tayara linyaki. Wosi angulindizga kwa maora ngatatu mpaka po tayara linyaki linguziya kutuwa ku Lilongwe. Mzichi uyu wangwamba kupharazgiya ŵanthu wo wangukwera nawu basi ndipuso wangumuka mafumbu ngawu nganandi. Ŵanthu anandi anguzizwa kuwona kuti muzichi widu uyu wenga so ndi Bayibolo. Wangupharazgiya so munthu munyaki wa ku Australia yo wenga wechendakambiskanepu ndi Akaboni. Pakuluta ndi pakuwe, muzichi uyu wangugaŵiya magazini 50 ndi timabuku tiŵi. Kumbi tisambiranjipu? Tosi titenere kuja akunozgeka kumuka weyosi yo wangafumba vo tigomezga.—1 Pet. 3:15.