Vakuchitika va mu Uteŵeti Wakumunda

Po umari we pafupi, tiyeni tilutirizgi kupharazgiya ŵanthu akupambanapambana, ndipu Yehova watitumbikengi. Mwakuyeruzgiyapu, munthu munyaki ku Lizulu, m’boma la Ntcheu, wangusambizika uneneska ndi mubali waki. Chinanga kuti munthu uyu wayanjanga kumwa moŵa, kukweŵa foja ndipuso wasunganga sisi litali, iyu wangusintha wati wayamba kusambira uneneska. Wangubatizika mu October 2011 ndipu muwolu waki wangubatizika pa unganu wachigaŵa wa 2013 ku Dedza. Po tikambiya panu, wateŵete nge mteŵeti wakovya. Kumbi tisambiranjipu penapa? Uwu mbukaboni wakuti Mazu Ngaku Chiuta ngasintha umoyu wa ŵanthu. (Ŵahebere 4:12) Kweniso tingalekanga cha kupharazgiya abali ŵidu wo aleka kuziŵa uneneska.