CHUMA CHAKUTULIYA M’MAZU NGAKU CHIUTA | LUKA 8-9
Kumbi Munthu Wakhumbika Kuchitanji Kuti Walondo Yesu?
Munthu yo walima ndi pulawu, wakhumbika cha kulereska vinthu vakuvuli chifukwa vingamutimbanyiza ndipu wangatondeka kupanga mizeri yakunyoloka. Mwakuyanana waka, Mkhristu wakhumbika cha kutimbanyizika ndi vinthu va mcharu ichi vo wakuvileka kali.—Afi. 3:13.
Kanandi asani takumana ndi masuzgu, titamba kukumbuka vinthu vo tachitanga kali, panyaki techendasambiri uneneska, ndipu tingayamba kuviwona nge vamampha. Nyengu zinyaki titamba kukumbuka mo takondwiyanga kali ndi vinthu vinyaki ndipu tiluwa masuzgu ngo takumananga nangu. Venivi ndivu so Ayisirayeli anguchita ŵati atuwa ku Ijipiti. (Maŵe. 11:5, 6) Asani tingayamba kuŵanaŵaniya ukongwa vinthu vo tachitanga kali, vingaŵa vambula kusuzga kuwere ku vinthu vo tachitanga. Mwaviyo, tingachita umampha kuŵanaŵaniya mo Yehova watitumbikiya sonu kweniso vitumbiku vo tazamulonde kunthazi mu Ufumu waki.—2 Akori. 4:16-18.