“Tiperekengi ‘Mphasu Kwaku Yehova’”

Kumbi tingapereka wuli “mphasu kwaku Yehova” mazuŵa nganu? (1 Miko. 29:5, 9, 14) Mumphata umu mwe nthowa zo tingapereke ndalama kuti ziwovyi pa ntchitu za Ufumu, mumpingu widu kweniso pacharu chosi.

NDALAMA ZO TIPEREKA KUZIYA PA INTANETI PAMWENGA MUMABOKOSI ZITOVYA:

• 

  PA NTCHITU YAPACHARU CHOSI

  zigwiriskikiya ntchitu pakuzenga maofesi nga nthambi, maofesi ngakufwatuliyaku mabuku kweniso kuguliya vinthu vinyaki mumaofesi ngenanga

  zigwiriskikiya ntchitu mumasukulu nga gulu laku Yehova

  zitovya wo achita uteŵeti wanyengu zosi wapade

  zitovya asani kwachitika ngozi zachilengedu

  zitovya pa ntchitu yakusindikiza mabuku, kujambula mavidiyo, kweniso kulipiriya webusayiti yidu

• 

  PA MPINGU WIDU

  kuguliya vinthu vinyaki vakukhumbika pa mpingu kweniso kunozge Nyumba ya Ufumu

  mpingu ungasankha kutopu ndalama zenizi ndi kupereka ku ofesi ya nthambi:

  • kuti ziwovyi pa ntchitu yakuzenga Nyumba za Ufumu kweniso Malu nga Unganu pacharu chosi

  • kuti ziluti ku Thumba la Chovyu Chapacharu Chosi

  • kuti ziwovyi pa ntchitu zinyaki zapacharu chosi

PA MAUNGANU NGACHIGAŴA NDI NGADERA

Ndalama zo mupereka pa unganu wachigaŵa zitumizika ku ofesi ya nthambi kuti ziwovyi pa ntchitu yapacharu chosi. Kweni asani ndalama zenizi zatumizika, zigwiriskikiya so ntchitu pa maunganu ngachigaŵa, ngapade, kweniso nga vyaru.

Ndalama zo mupereka pa unganu wadera zigwiriskikiya ntchitu pa kuchita lenti, kuzenge kweniso kunozge malu nga unganu, ndipuso kuguliya vinthu vinyaki vakukhumbika pa unganu wenuwu. Dera lingasankha kutumiza ndalama zinyaki ku ofesi ya nthambi kuti ziwovyi pa ntchitu yapacharu chosi ya Akaboni aku Yehova.