“Charu Chosi Chenga ndi Chineneru Chimoza”

11:1-4, 6-9

Yehova wangutimbanyizga chineneru cha ŵanthu pa Babele. Venivi vinguchitiska kuti ŵanthu ambininikiyi muvigaŵa vakupambanapambana pacharu. Kweni mazuŵa nganu iyu wawunganiska ŵanthu amitundu yosi kweniso a vineneru vakupambanapambana ndipu watiŵasambiza “chineneru chituŵa” kuti “adanengi pa zina laku Yehova, kuti ateŵetiyengi limoza mwakukoliyana.” (Zefa. 3:9; Chivu. 7:9) “Chineneru chituŵa” chenichi mbuneneska wakukwaskana ndi Yehova kweniso khumbu laki lo lisanirika mu Malemba.

Kusambira chineneru chasonu kusazgapu vinandi kuluska waka kuloŵeza mazu ngasonu. Kusambira chineneru kukhumba so kusambira mo ŵanthu a chineneru cho aŵanaŵaniya. Mwakuyanana ŵaka, nasi maŵanaŵanu ngidu ngasintha asani tisambira chineneru chituŵa chauneneska. (Aro. 12:2) Kusintha kwenuku kutovya kuti ŵanthu aku Chiuta achitengi vinthu mwakukoliyana.​—1 Akori. 1:10.