Muwonengi Kuti Ubwezi Winu ndi Yehova Ngwakuzirwa

Akaboni aku Yehova ŵe ndi mwaŵi wapade. Nge Akhristu tilutirizga kuja pa ubwezi wamampha ndi Yehova, Ambuya Fumu Yikulu. Iyu wakutiguza kuziya mwa mwana waki. (Yoha. 6:44) Ndipuso wavwisiya mapempheru ngidu.—Sumu 34:15.

Kumbi tingavikiliya wuli ubwezi wapade wo tenawu ndi Chiuta? Chinthu chimoza cho tingachita, nkhukhwecha kuchita ubudi nge Ayisirayeli. Yiwu angupanga mwana wa ng’ombi wagolidi ndipu angwamba kumusopa. Venivi vinguchitika pati pajumpha waka kanyengu kamanavi kutuliya po anguchitiya phanganu ndi Yehova. (Chitu. 32:7, 8; 1 Akori. 10:7, 11, 14) Tijifumbengi kuti: ‘Kumbi ndichita wuli asani ndakumana ndi chiyesu? Kumbi vakuchita vangu vilongo kuti ndiwona kuti ubwezi wangu ndi Yehova ngwakuzirwa?’ Asani titanja ukongwa awusefwi akuchanya, nasi titinkhengi vinthu vo yiwu atinkha.—Sumu 97:10.

WONERIYANI VIDIYO YAKUTI MUVIKIRIYENGI UBWEZI WINU NDI YEHOVA (AKO. 3:5), NDIPU MUKANI MAFUMBU YANGA:

• Kumbi kukhumbira mwasanji kung’anamuwanji?

• Ntchifukwa wuli tikhumbika cha kusopa angoza kweniso kuja ndi mtima wa mbunu?

• Kumbi pe kukoliyana wuli pakati pa kuchita chigololu ndi kusopa angoza?

• Ntchifukwa wuli ŵanthu wo ŵe ndi maudindu atenere kuphwere awolu ŵawu?