Ntchitu Yapade Yakupharazga Ufumu Waku Chiuta mu November

Yesu wapharazganga “uthenga wamampha wa Ufumu waku Chiuta.” (Luka 4:43) Kweniso wangusambiza ŵanthu kuti apempherengi kuti Ufumu wenuwu uzi. (Mate. 6:9, 10) Mu November, tazamuyesesa kuchita vosi vo tingafiska kuti tizipharazgi Ufumu waku Chiuta. (Mate. 24:14) Nozgekiyani kuti muzigwireku ntchitu yapade yeniyi. Wosi wo achita upayiniya wakovya angazisankha kuchita upayiniya wa maora 30- pamwenga 50-mu mwezi wenuwu.

Muziyesesi kuŵerenge ŵanthu anandi mu chigaŵa chinu malemba ngo ngakamba va Ufumu waku Chiuta. Asani musankha lemba, muŵanaŵaniyengi so vo ŵanthu agomezga. Asani paulendu wakwamba munthu walongo kuti we ndi mtima wakukhumba kuziŵa vinandi, muzimugaŵiyi Chigongwi cha Alinda cha Na. 2 2020. Muziweriyengeku mwaliŵi ku ŵanthu wo akhumba kuziŵa vinandi ndi kwamba kusambira nawu Bayibolu, mwakugwiriskiya ntchitu buku lo le pamundandanda wa Vidya Vakusambiziya. Pambula kuswera yapa, Ufumu waku Chiuta wazamutuzgapu maufumu ngosi. (Danye. 2:44; 1 Akori. 15:24, 25) Tiyeni tiziyesesi kugwiraku ntchitu yeniyi kuti tizilongo kuti te kuchigaŵa chaku Yehova ndi Ufumu waki!