Maunganu Ngapachaka Ngatitipasa Mwaŵi Wakulongo Kuti Titanjana

Ntchifukwa wuli tikondwa ukongwa ndi maunganu ngapachaka? Nge mo venge ndi Ayisirayeli, maunganu ngamazuŵa nganu ngatitipasa mwaŵi wakusopa Yehova pamoza ndi abali kweniso azichi anandi. Tikondwa ndi chakurya chauzimu cho tilonde. Tikondwa so chifukwa tituŵa ndi mwaŵi wa kucheze limoza ndi abali ŵidu kweniso mabwezi ngidu. Tingalongo kuti titimuwonga Yehova, asani tisanilikapu mazuŵa ngosi ngatatu.

Asani tawungana pamoza ndi abali ndi azichi ŵidu, tiŵanaŵaniyengi mo unganu wo ungatiwovye kweniso mo tingalongore chanju kwa anyidu. (Ag 6:10; Ah 10:24, 25) Asani te pamalu nga unganu, tingalongo kuti tiŵanaŵaniya anyidu asani tisungiya malu abali ŵidu, ŵanthu wo tisambira nawu Bayibolu kweniso ŵanthu wo taza nawu limoza pe. (Afi 2:3, 4) Maunganu ngatitiwovya kusaniya mabwezi. Tiyesesengi kucheza ndi ŵanthu wo titiŵaziŵa cha unganu wechendayambi, pa nyengu ya kupumuwa kweniso asani unganu wamala. (2Ak 6:13) Ubwezi wo tingasaniya ungamala cha! Kuphara vosi, asani ŵanthu awona kuti titanjana nadi kuziya mu vo tichita, nawu angayamba kuteŵete Yehova.—Yoh 13:35.

WONERIYANI VIDIYO YAKUTI MAUNGANU NGAVYARU NGA MUTU WAKUTI, “CHANJU CHIMALA CHA!”, NDIPU MUKANI MAFUMBU YANGA:

• 

  Kumbi ŵanthu wo anguluta ku maunganu ngavyaru nga 2019 angulongo wuli kuti atanjana?

• 

  Ntchifukwa wuli chanju kweniso kukoliyana kwa ŵanthu aku Yehova nkhwapade?

• 

  Kumbi ndi vigaŵa nivi va chanju vo abali a mu Wupu Wakulongozga angukonkhoska?

• 

  Kumbi chanju chaŵawovya wuli Akhristu a ku Germany ndi ku South Korea kuti akoliyanengi?

• Kumbi tikhumbika kusimikiza mtima kuchitanji?