MAY 6-12

CHUMA CHAKUTULIYA MU MAZU NGAKU CHIUTA

1. “Ungaguŵanga cha Chifukwa cha Ŵanthu Aheni”

(10 min.)

Ŵanthu aheni achitiska kuti tisuzgikengi (Sl 36:1-4; w17.04 10 ¶4)

Tingajipweteka asani tilutirizga kukwiyiya “ŵanthu aheni” (Sl 37:1, 7, 8; w22.06 10 ¶10)

Tija ndi chimangu asani tigomezga malayizgu ngaku Yehova (Sl 37:10, 11; w03-CN 12/1 14 ¶20)

Mzichi yo wafipa mtima waŵerenga nkhani pa foni yaki. Iyu wawona vithuzi va ŵanthu akukwiya wo achita viwoneseru, wapolisi walonde vinyeda, asilikali alasa futi, munthulumi yo we ndi futi we pamalu po amika magalimotu, ŵanthu apinga vinthu vo ŵaba, viwoneseru, ndipuso ŵanthu wo ŵaza kuziwovya wo achita ngozi ya galimotu.

JIFUMBENI KUTI, ‘Kumbi nditanja kuvwiya nkhani ziheni zo zichitika mucharu?’

2. Fundu Zakuzirwa za mu Bayibolu

(10 min.)

Sl 36:6—Kumbi yo wakulembaku buku la masalimo wang’anamuwanganji wachikamba kuti urunji waku Yehova we nge “mapiri ngaunkhankhu [pamwenga “nge mapiri ngaku Chiuta,” mazu ngamumphata]”? (it-2 445)

Kwamuka
Kumbi ndi fundu nizi zakuzirwa zo mwasaniya pakuŵerenga Bayibolu sabata yinu?

Kwamuka

3. Kuŵerenga Bayibolu

(4 min.) Sl 37:1-26 (th sambiru 10)

KUSAZGIYAKU LUSU LIDU MU UTEŴETI

4. Mo Mungayambiya Kukambiskana ndi Ŵanthu

(3 min.) KUPHARAZGA KUNYUMBA NDI NYUMBA. (lmd sambiru 1 fundu 5)

5. Muchitengi Maulendu Ngakuweriyaku

(4 min.) KUPHARAZGA MWAMWAŴI. Pemphani munthu yo pakwamba wangukana kusambira Bayibolu kuti muyambi kusambira nayu. (lmd sambiru 9 fundu 4)

6. Nkhani

(5 min.) ijwbv 45—Mutu: Kumbi lemba la Salimo 37:4 ling’anamuwanji? (th sambiru 13)

TICHITENGI VINTHU NGE AKHRISTU

7. Kumbi Munozgeke ‘Masuzgu’?

(15 min.) Nkhani yakukambiskana.

Pacharu chosi abali ndi azichi akumana ndi masuzgu chifukwa cha masoka ngachilengedu kweniso chifukwa cha vinthu viheni vo ŵanthu achita. (Sl 9:9, 10) Tingakumana ndi masuzgu nyengu yeyosi, mwaviyo tikhumbika kunozgeke.

Kusazgiyapu pa kusunga vinthu vo vingazitiwovya asani kwachitika ngozi,a kumbi tikhumbika kuchitanji kuti tizikunthiyepu?

Nozgekeresani maŵanaŵanu: Muziŵengi kuti ngozi yingachitika nyengu yeyosi, ndipu muŵanaŵaniyengi vo mungazichita asani ngozi yachitika. Mukhwechengi kwanja ukongwa vinthu vakuliŵavu. Venivi vingazikuwovyani kuti muzichiti vinthu mwazeru kuti mutaski umoyu winu kweniso wa anyinu mumalu mwa kutaska katundu. (Ge 19:16; Sl 36:9) Vingazikuwovyani so kuti muzileki kusuzgika maŵanaŵanu asani katundu winu wanangika.—Sl 37:19
Mujengi pa ubwezi wakukho ndi Yehova: Muthembengi ukongwa Yehova kuti we ndi nthazi kweniso wakhumbisiska kukuphweriyani. (Sl 37:18) Masoka ngechendachitiki, nyengu zosi mugomezgengi kuti Yehova walongozgengi kweniso kuwovya ateŵeti ŵaki chinanga kuti tingazitaska umoyu widu pe ‘nge vinthu vakuphangika ku nkhondu.’—Yer 45:5; Sl 37:23, 24

Yehova waja ‘mpanda widu wakukho pa nyengu ya suzgu’ asani tigomezga kuti wazamufiska malayizgu ngaki.—Sl 37:39.

Vithuzi: Vo ve mu vidiyo yakuti “Kumbi Munozgeke Ngozi?” 1. Mubali waŵerenga Bayibolu. 2. Mayiŵa nga Tsunami. 3. Mitambu ya vuwa. 4. Ŵanthu apinga katundu wawu ndipu atenda mu maji.

Wonesani VIDIYO yakuti Kumbi Munozgeke Ngozi? Ndipu fumbani akuvwisiya mafumbu yanga:

Kumbi Yehova wangatiwovya wuli panyengu ya masoka?

Kwamuka
Kumbi ndi vinthu wuli vo tingachita kuti tinozgeke?

Kwamuka
Kumbi tingaŵawovya wuli ŵanthu wo akwaskika ndi masoka?

Kwamuka

8. Sambiru la Bayibolu la Mpingu

(30 min.) bt mutu 9 ¶8-16

Mazu Ngakumaliya (3 min.) | Sumu 57 ndi Pempheru

a Wonani Jani Masu! Na. 5 2017, peji 4-6.