APRIL 28–MAY 4

CHUMA CHAKUTULIYA MU MAZU NGAKU CHIUTA

1. Kukamba Cha!

(10 min.)

Mungakambanga cha mazu ngo ngangapweteka ‘munyinu’ (Nth 11:9; w02 5/15 26 ¶4)

Mungakambanga cha mazu ngambula kuchiska (Nth 11:11; w02 5/15 27 ¶2-3)

Mungasumuwanga cha nkhani yachisisi (Nth 11:12, 13; w02 5/15 27 ¶5)

Abali ŵaŵi akambiskana pa Nyumba ya Ufumu. Munyaki mwa abali ŵenaŵa wakamba vinthu viheni vakukwaskana ndi mubali yo watuza pafupi ndi iwu.

ŴANAŴANIYANI FUMBU ILI: Kumbi mazu ngaku Yesu ngo nge pa Luka 6:45 ngatitiwovya wuli pa nkhani ya kulongoro mazu ngaheni?

2. Fundu Zakuzirwa za mu Bayibolu

(10 min.)

Nth 11:17—Kumbi tiyanduwa wuli asani tilongo lisungu anyidu? (g20.1 11, bokosi)

Kwamuka
Kumbi ndi fundu nizi zakuzirwa zo mwasaniya pakuŵerenga Bayibolu sabata yinu?

Kwamuka

3. Kuŵerenga Bayibolu

(4 min.) Nth 11:1-20 (th sambiru 5)

KUSAZGIYAKU LUSU LIDU MU UTEŴETI

4. Mo Mungayambiya Kukambiskana ndi Ŵanthu

(4 min.) KUPHARAZGA MWAMWAŴI. Saniyani mpata kuti mukambiyeku munthu vo mwasambira ku mawunganu. (lmd sambiru 2 fundu 4)

5. Ulendu Wakuweliyaku

(4 min.) KUPHARAZGA MWAMWAŴI. Mukonkhoskiyeni vidiyo yo ye pa Mundandanda wa Vidya Vakusambiziya. (lmd sambiru 8 fundu 3)

6. Musambizengi Ŵanthu Kuti aje Akusambira

(4 min.) KUPHARAZGA KUMALU NGO KUSANIRIKA ŴANTHU ANANDI. Mupempheni kuti muyambi kusambira nayu Bayibolu ndipu mulongoni mo tichitiya. (lmd sambiru 10 fundu 3)

TICHITENGI VINTHU NGE AKHRISTU

7. Mungazomerezanga Cha Kuti Lilimi Linu Litimbanyizgengi Chimangu

(15 min.) Nkhani yakukambiskana.

Tilongoro vinthu vambula kwenere chifukwa chakuti te ambula kufikapu. (Yak 3:8) Kweni asani tiŵanaŵaniya masuzgu ngo ngangaŵapu chifukwa cha kulongoro mazu ngaheni, tilongorongi cha. Mumphata umu mwe mazu ngo ngangatimbanyizga chimangu mu mpingu:

Kumalika kuheni. Kumalika kuheni nkhujilumba ndipu kungayambisa maphara ndi sanji.—Nth 27:2
Kulongoro mwauryarya. Nkhukamba boza pe cha kweni kusazgapu so kukamba mazu ngakupusisa. Ŵanthu angaleka kutithemba ndipuso mbiri yidu yinganangika chinanga tingakamba kauryarya kamanavi.—Wak 10:1
Kukamba vinthu viheni va ŵanthu. Nkhulongoro vinthu viheni va ŵanthu vo vibendezga uneneska pamwenga kusumuwa nkhani zachisisi. (1Ti 5:13) Nkharu yeniyi yingayambisa ndewu ndipuso kugaŵikana
Mazu ngawukali. Kulongoro mazu mwambula kujiko ngakunena munthu yo watikwiyisa. (Aef 4:26) Mazu ngaheni ngangapweteka anyidu.—Nth 29:22

Vo ve mu kachigaŵa ka vidiyo yakuti “ ‘Tayani’ Vinthu vo Vitimbanyizga Chimangu.” 1. Emily ndi Celia ŵe mu resitilanti . Celia wawona pa foni yaki vo Haley wayika pamalu ngakucheze nga pa intaneti. 2. Haley watimukalipiya Celia pa malu ngo amikapu ma galimotu pa Nyumba ya Ufumu.

Wonesani kachigaŵa ka VIDIYO yakuti “Tayani” Vinthu vo Vitimbanyizga Chimangu. Ndipu fumbani akuvwisiya fumbu ili:

Kumbi mwasambiranji pa nkhani ya mo mazu ngidu ngangatimbanyizgiya chimangu mu mpingu?

Kwamuka

Wonani vidiyo yakuti ‘Penjani Chimangu Ndipu Muchilondo,’ kuti muwoni mo angujaliya so pachimangu.

8. Sambiru la Bayibolu la Mpingu

(30 min.) bt mutu 25 ¶14-21