SEPTEMBER 15-21

NTHANTHI 31

Sumu 135 ndi Pempheru | Mazu Ngakwamba (1 min.)

CHUMA CHAKUTULIYA MU MAZU NGAKU CHIUTA

Ama aja pampandu ndi mwana wawu ndipu akambiskana.

1. Kumbi Tisambiranji ku Ulongozgi wo Ama Angupaska Mwana Wawu?

(10 min.)

Sambizani ŵana ŵinu mo Yehova wawone kugonana ndipuso nthengwa (Nth 31:3, 10; w11 2/1 19 ¶7-8)

Sambizani ŵana ŵinu kuti awonengi moŵa nge mo Yehova watiwuwone (Nth 31:4-6; ijwhf nkhani 4 ¶11-13)

Sambizani ŵana ŵinu kuti awovyengi ŵanthu nge mo Yehova wachitiya (Nth 31:8, 9; g17.6 9 ¶5)

2. Fundu Zakuzirwa za mu Bayibolu

(10 min.)

Nth 31:26—Kumbi lemba ili lingatiwovya wuli kuti tikambiskanengi umampha ndi anyidu? (w23.12 21 ¶12)

Kwamuka
Kumbi ndi fundu nizi zakuzirwa zo mwasaniya pakuŵerenga Bayibolu sabata yinu?

Kwamuka

3. Kuŵerenga Bayibolu

(4 min.) Nth 31:10-31 (th sambiru 10)

KUSAZGIYAKU LUSU LIDU MU UTEŴETI

4. Mo Mungayambiya Kukambiskana ndi Ŵanthu

(3 min.) KUPHARAZGA MWAMWAŴI. Yambani kukambiskana ndi munthu yo walongoro vinthu vakuchiska pamwenga wachita chinthu chinyaki chamampha. (lmd sambiru 5 fundu 3)

5. Mo Mungayambiya Kukambiskana ndi Ŵanthu

(4 min.) KUPHARAZGA KUNYUMBA NDI NYUMBA. Kambiskanani nayu fundu yimoza mu kabuku kakuti Muyanjengi Ŵanthu pa chigaŵa chakuti “Uneneska wo Titanja Kusambiza Ŵanthu,” fundu zakukumaliya A. (lmd sambiru 1 fundu 4)

6. Ulendu Wakuweliyaku

(5 min.) KUPHARAZGA KUNYUMBA NDI NYUMBA. Mudaniyeni ku nkhani yapade munthu yo mungumugaŵiya Chigongwi cha Mlinda cha Na. 1 2025. (lmd sambiru 7 fundu 4)

TICHITENGI VINTHU NGE AKHRISTU

Sumu 121

7. Wovyani Ŵana Ŵinu Kuti Agwiriskiyengi Ntchitu Mwazeru Vipangizu va Mazuŵa Nganu

(8 min.) Nkhani yakukambiskana.

Kumbi mukuwonapu mo ŵana amana achitiya kuti asaniyi ma app pa foni pamwenga pa tabuleti? Kanandi yiwu asuzgika cha! Ndipu ndi viŵi cha po angakhumbika kuŵasambiza mo angagwiriskiya ntchitu vipangizu venivi. Kweni nyengu zosi akhumbika kuŵawovya mo angavigwiriskiya ntchitu mwazeru. Asani ndimwi mupapi, kumbi mungaŵasambiza wuli ŵana ŵinu kugwiriskiya ntchitu mwazeru vipangizu va mazuŵa nganu?

Vo ve mu vidiyo yakuti “Mugwiriskiyengi Ntchitu Nyengu Mwazeru.” Sofiya wagona mulikumba ndipu waseŵeresa tabuleti yaki, iyu watiziwona cha somba zo ziseŵe ndi bola mu nyanja.

Wonesani VIDIYO yakuti Mugwiriskiyengi Ntchitu Nyengu Mwazeru. Ndipu fumbani akuvwisiya mafumbu yanga:

Chifukwa wuli tikhumbika cha kumaliya nyengu yinandi pa vipangizu va mazuŵa nganu?

Kwamuka
Kumbi tikhumbika kusaniya nyengu yakuchitiya vinthu vinyaki nivi?

Kwamuka

Asani mupanga marangu nga banja linu, mugwiriskiyengi ntchitu fundu za mu Bayibolu mumalu mwa kutole waka vo apapi anyaki achita. (Ag 6:5) Mwakuyeruzgiyapu, mungajifumba kuti:

Kumbi mwana wangu wasankha umampha vinthu ndipu wagwiriskiya ntchitu mwakwenere vipangizu va mazuŵa nganu?—1Ak 9:25
Kumbi ndingamuzomereza kugwiriskiya ntchitu vipangizu va mazuŵa nganu asani we kwaku yija?—Nth 18:1
Kumbi ndi ma app kweniso ma webusayiti nanga ngo ndingamuzomereza kugwiriskiya ntchitu, ndipu ndi nanga ngo ndingamuzomereza cha?—Aef 5:3-5; Afi 4:8, 9
Kumbi ndingamuzomereza kugwiriskiya ntchitu vipangizu va mazuŵa nganu kwa nyengu yitali wuli kuti wasaniyengi so nyengu yakuchitiya vinthu vinyaki vakukondwesa ndipuso vakukhumbika?—Waku. 3:1