NKHANI ZO MUNGASAMBIRA

Musambirengi Mazu Ngaku Chiuta ndi Mtima Wosi Kuti Muje Masu

Ŵerengani Daniyeli 9:1-19 kuti muziŵi kukhumbika kwakusambira Mazu ngaku Chiuta ndi mtima wosi.

Vwisani nkhani yosi. Kumbi ndi vinthu wuli vo vinguchitika ŵaka pa nyengu yo, nanga vingumukwaska wuli Daniyeli? (Dani. 5:29–6:5) Kumbi mwatingi mukwaskikengi wuli asani yimwi ndimwi mwenga Daniyeli?

Fufuzani mwakukwana. Kumbi ndi “mabuku ngakupaturika” nanga ngo Daniyeli watenere kuti waŵerenganga? (Dani. 9:2, mazu ngamumphata; w11-CN 1/1 22 ¶2) Ntchifukwa wuli Daniyeli wangusumuwa maubudi ngaki kweniso nga mtundu wosi wa Isirayeli? (Levi. 26:39-42; 1 Mafu. 8:46-50; dp-CN 182-184) Kumbi pempheru laku Daniyeli lilongo wuli kuti iyu wasambiranga Mazu ngaku Chiuta ndi mtima wosi?—Dani. 9:11-13.

Ŵanaŵaniyani vo musambirapu. Jifumbeni kuti:

‘Kumbi ndingachita wuli kuti ndileki kutimbanyizika ndi vinthu vo vichitika mucharu?’ (Mika 7:7)
‘Kumbi ndingayanduwa wuli chifukwa chakusambira Mazu ngaku Chiuta ndi mtima wosi nge mo Daniyeli wachitiyanga?’ (w04-CN 8/1 12 ¶17)
‘Kumbi ndi nkhani nizi zo ndingasambira zo zingandiwovya kulutirizga “kuja masu”?’ (Mate. 24:42, 44; w12-CN 8/15 5 ¶7-8)