Mazu Ngakwamba
Pafupifupi munthu weyosi wakukumanapu ndi masuzgu ngakulu nge kutama, ngozi, masoka ngachilengedu kweniso nkhaza munthowa zakupambanapambana.
Ŵanthu akhumba kuziŵa uneneska.
Ŵanthu anyaki agomezga kuti vakulengeka vinyaki vauzimu ndivu vilongozga umoyu widu ndipu isi tilivi nthazi pa chechosi cho chititichitikiya.
Ŵanthu anyaki agomezga karma, kung’anamuwa kuti munthu wafwatulika ku masuzgu asani wafwa ndi kubalika so kananandi. Ndipu yiwu akamba kuti taŵanthu tisuzgika chifukwa cha vinthu viheni vo tinguchita kali techendabaliki so.
Masuzgu ngo ŵanthu akumana nangu ngachitiska kuti ajifumbengi mafumbu nganandi.