LAYIBULARE YA PA INTANETI
Watchtower
LAYIBULARE YA PA INTANETI
Chitonga (Malawi)
  • BAYIBOLU
  • MABUKU
  • MAUNGANU
  • g21 Na. 1 pp. 6-7
  • Ulongozgi wo Ungawovya Kuti Mujengi Mwachimangu ndi Ŵanthu

Vidiyo yo mwasankha palivi.

Pepani, vidiyo iyi yikana kujula.

  • Ulongozgi wo Ungawovya Kuti Mujengi Mwachimangu ndi Ŵanthu
  • Jani Masu!—2021
  • Mitu yimanayimana
  • Nkhani Yakuyanana
  • Mugowokengi
  • Mujiyuyuwengi Kweniso Muchitengi Vinthu Mwaulemu
  • Mujengi Ambula Sankhu
  • Mujengi Akuzika
  • Mujengi Akupaska Kweniso Muwongengi
  • Ŵanthu Akupaska Akondwa
    Chigongwi cha Alinda Chakupharazga Ufumu Waku Yehova (Chakusambira)—2018
  • Umoyu Wabanja Kweniso Mabwezi
    Jani Masu!—2019
  • Mungatiguŵiskanga Cha “Tiŵana Iti”
    Chigongwi cha Alinda Chakupharazga Ufumu Waku Yehova (Chakusambira)—2021
  • Kumbi Tingamuyezga Wuli Yehova yo Watitigowoke?
    Chigongwi cha Mlinda Chakupharazga Ufumu Waku Yehova (Chakusambira)—2025
Wonani Vinandi
Jani Masu!—2021
g21 Na. 1 pp. 6-7
Banja lanozge chakurya alendu.

Ulongozgi wo Ungawovya Kuti Mujengi Mwachimangu ndi Ŵanthu

Mlengi widu watitikambiya mo tingajaliya mwachimangu ndi anyidu kwali nkhunyumba, kuntchitu pamwenga ndi mabwezi ngidu. Wonani ulongozgi unyaki wazeru wakutuliya ku Mlengi widu wo wawovyapu ŵanthu anandi.

Mugowokengi

“Lutirizgani . . . kugowokiyana ndi mtima wosi chinanga munyaki wangaŵa ndi chifukwa chakudandawuliya vakukwaskana ndi munyaki.”—AKOLOSE 3:13.

Tosi tinangisa. Tingakwiyisa anyidu pamwenga nawu angatikwiyisa. Mwemosi mo vingaŵiya, tosi tikhumbika kugowoka kweniso kuti anyidu atigowoke. Asani tagowoka, titimusungiya vifukwa cha munthu yo watikwiyisa. ‘Tiweze cha chiheni pa chiheni’ kweniso titimukumbusa cha vinthu vo wangunangisa. (Aroma 12:17) Kweni kumbi tingachita wuli asani munyidu watikwiyisa ukongwa mwakuti tingaluwa cha vo watichitiya? Asani ndi viyo, tikambiskanengi nayu mwaulemu munthu yo watikwiyisa te kwakutija. Fundu yidu yikulu njakuti tiziŵi yo wanangisa cha, kweni kuti tijalikiski chimangu.—Aroma 12:18.

Mujiyuyuwengi Kweniso Muchitengi Vinthu Mwaulemu

“Mwakujiyuyuwa, muwonengi kuti anyinu atikuluskani.”—AFILIPI 2:3.

Asani te akujiyuyuwa kweniso tichita vinthu mwaulemu, ŵanthu asuzgika cha kuchita nasi vinthu. Yiwu aziŵa kuti tiŵalongongi lisungu kweniso kuŵaŵanaŵaniya ndipu tiŵakwiyisiyengi dala cha. Kweni asani titijiwona kuti te apachanya kuluska anyidu pamwenga asani nyengu zosi tingangamiya ŵaka maŵanaŵanu ngidu, tingayambisa mphindanu. Ŵanthu atikhwechengi ndipu tijengi ndi amanavi.

Mujengi Ambula Sankhu

“Chiuta walivi sankhu, kweni iyu walondere munthu wakutuliya mu mtundu wewosi yo watimuwopa ndi kuchita urunji.”—MACHITIDU 10:34, 35.

Mlengi widu watanja ŵanthu chifukwa cha charu cha, chineneru, mo vinthu viliri pa umoyu pamwenga khungu la munthu. “Kutuliya mu munthu yumoza wakupanga mitundu yosi ya ŵanthu.” (Machitidu 17:26) Ivi ving’anamuwa kuti ŵanthu wosi mphaubali. Asani munthu weyosi titimupaska ulemu kweniso kumulongo lisungu titimukondwesa, nasi tikondwa ndipuso tikondwesa Mlengi widu.

Mujengi Akuzika

“Vwalani . . . kuzika.”—AKOLOSE 3:12.

Asani te akuzika, vitovya kuti ŵanthu afwatukengi. Yiwu akambiskana nasi mwakufwatuka kweniso chinanga nkhutipaska ulongozgi asani tanangisa chifukwa aziŵa kuti tikwiyengi cha. Ndipu asani munthu munyaki watikwiyiya, kumuka kwidu mwakuzika kungachitiska kuti watuni. Lemba la Nthanthi 15:1 likamba kuti: “Kumuka mwakuzika kuweza ukali, kweni mazu ngaganyavu ngavunduwa ukali.”

Mujengi Akupaska Kweniso Muwongengi

“Kupaska kuchitiska kuti munthu wakondwengi ukongwa kuluska kulonde.”—MACHITIDU 20:35.

Ŵanthu anandi mbakupaska cha kweniso aŵanaŵaniya vawu pe. Kweni ŵanthu wo apaska vinthu anyawu ndiwu aja ndi likondwa chayilu. (Luka 6:38) Ŵanthu akupaska akondwa chifukwa atanja anyawu kuluska vinthu. Kwanja ŵanthu kutiŵachitiska kuti awongengi kweniso alongongi kuti awonga asani nawu munthu munyaki waŵapaska vinthu. (Akolose 3:15) Jifumbeni kuti, ‘Kumbi ndingayanja kuja ndi ŵanthu ambula kuwonga kweniso akunola pamwenga akupaska kweniso akuwonga?’ Kumbi fundu njakuti wuli penapa? Muchitengi vinthu vo mukhumba kuti anyinu akuchitiyeni.—Mateyu 7:12.

Ndikuleka Kuwona Kuti Ŵanthu Anyaki Mbakusika

“Malemba ngakamba kuti: ‘Muwonengi anyinu nge mo mutijiwone mwaŵeni . . . Mungajiwonanga kuti mwe azeru cha.’” (Aroma 12:16) “Ulongozgi wenuwu ungundiwovya kuti ndimalisi jalidu lakujikuzga kweniso kuyuyuwa ŵanthu anyaki. Ndikuleka kuwona kuti mtundu wangu ngwapachanya kuphara unyaki ndipuso ndikuleka kuyuyuwa chisopa cha ŵanthu anyaki. Mazuŵa nganu nde wakufwatuka kweniso nditesesa kutawuzga ŵanthu wosi.”—Asha.

Asha.

Ziŵani vinandi:

Kuti muziŵi ulongozgi unyaki wa mo mungajaliya mwachimangu ndi ŵanthu, lutani pa jw.org/tog ndipu wonani pa mutu wakuti VO BAYIBOLU LISAMBIZA > CHIMANGU NDIPUSO LIKONDWA > KUJA MWACHIMANGU NDI ŴANTHU.

    Mabuku nga Chitonga (1996-2025)
    Tuwanipu
    Sereni
    • Chitonga (Malawi)
    • Tumizani
    • Vo Mukhumba
    • Copyright © 2025 Watch Tower Bible and Tract Society of Pennsylvania
    • Fundu zo Mutenere Kulondo
    • Nkhani Yakusunga Chisisi
    • Kusintha Vinthu Vachisisi
    • JW.ORG
    • Sereni
    Tumizani