Mamiliyoni nga Vakulengeka Vauzimu

Bayibolo lititikambiya kuti pe vakulengeka vauzimu vinandi ukongwa. Yehova nayu ndi mzimu.—Yohane 4:24; 2 Ŵakorinte 3:17, 18.

Nyengu yinyaki, Yehova wengaku yija mu chilengedu chosi. Pavuli paki wangwamba kulenga ŵanthu auzimu wo adanika kuti angelu. Yiwu mbanthazi ndipuso mbazeru ukongwa kuruska ŵanthu. Yehova wakulenga angelu anandi ukongwa; mteŵeti waku Chiuta Danyele, wanguwona angelu mamiliyoni nganandi mu chiwona.—Danyele 7:10; Ŵahebere 1:7.

Angelu yaŵa angulengeka ndi Chiuta charu chechendapangiki. (Jobu 38:4-7) Palivi mungelu chinanga njumoza yo wenga ndi umoyu pacharu chapasi ndi kufwa.