Kumbi Yesu Wenga Yani?

Yehova wangutuma Yesu kuti wazi pacharu chapasi. 1 Yohane 4:9

Asani tikhumba kukondwesa Yehova, tikhumbika kuvwiya munthu munyaki wakukhumbika ukongwa. Kwa vyaka vinandi Adamu wechendalengeki, Yehova wangulenga dankha mungelu wanthazi kuchanya.

Pati pajumpha nyengu, Yehova wangunozga kuti mungelu mwenuyu wazibalikiyi ku Betelehemu nge mwana wa munthu kuziya mwaku Mariya. Mwana mwenuyu wangudanika zina lakuti Yesu.—Yohane 6:38.

Yesu wangulongo umampha mijalidu yaku Chiuta po wenga munthu pacharu chapasi. Iyu wenga walisungu, wachanju ndipuso wakufikirika. Wasambizanga ŵanthu uneneska wakukwaskana ndi Yehova mwambula mantha.

Yesu wachitanga vinthu vamampha kweni watinkhikanga. 1 Peturo 2:21-24

Yesu wachizganga so akutama ndi kuyuska akufwa.

Alongozgi avisopa amutinkhanga Yesu chifukwa wasambizanga uneneska wo wasuskananga ndi visambizu vawu vaboza ndipuso nthowa zawu ziheni.

Alongozgi a visopa angukambiya Aroma vinthu vaboza vakukwaskana ndi Yesu kuti amupumi ndi kumubaya.