CHIGAŴA 8

Kumbi Nyifwa Yaku Yesu Yingakuwovyani Wuli?

Yesu wakufwa kuti tije ndi umoyu. Yohane 3:16

Anthukazi alelesa mumuwunda waku Yesu kweni amusaniyamu cha

Pati pajumpha mazuŵa ngatatu chituliyi po Yesu wangufwiya, anthukazi anyaki anguluta ku muwunda waki ndipu anguchisaniya kuti muwunda ngwamwazi. Yehova wanguyuska Yesu kwa akufwa.

Yesu wawoneke kwa akutumika ŵaki ndipu pavuli paki wakwera kuchanya

Pavuli paki Yesu wanguwoneke kwa akutumika ŵaki.

Yehova wanguyuska Yesu nge mungelu ndipu wangumupaska umoyu wambula kufwa. Akusambira ŵaki angumuwona Yesu wachikwera kuchanya.

Chiuta wakuyuska Yesu ndipu wakumuŵika kuti waje Fumu ya Ufumu waki. Daniyeli 7:13, 14

Yesu we pampandu waufumu ndipu walamuliya ŵanthu mu paradayisu pacharu chapasi

Yesu wakupereka umoyu waki sembi kuti wawombo ŵanthu. (Mateyu 20:28) Chifukwa cha sembi yeniyi, Chiuta wakuchitiska kuti tikasaniyi umoyu wambula kumala.

Yehova wakusankha Yesu nge Fumu kuti walamuliyi charu chapasi. Iyu wamulamuliya pamoza ndi ŵanthu akugomezgeka 144,000 wo ayuskika ndi kuluta kuchanya. Ŵanthu 144,000 ndiwu amulamuliya ndi Yesu kuchanya mu boma laurunji lenili lo ndi Ufumu waku Chiuta.—Chivumbuzi 14:1-3.

Ufumu waku Chiuta wazamuchitiska kuti charu chapasi chizije paradayisu. Kwazamuŵavi nkhondu, kubayana, ukavu ndi nja. Ŵanthu azamuja nadi mwakukondwa.—Masalimo 145:16.