CHIGAŴA 9

Kumbi Paradayisu Wazengi Zukwanji?

Masuzgu ngo nge pacharu chapasi ngalongore limu kuti Ufumu waku Chiuta wepafupi kuchitapu kanthu. Luka 21:10, 11; 2 Timote 3:1-5

Vinthu viheni vo vichitika mazuŵa nganu—kutchaya juga, nkhondu, matenda, kusoŵa kwa chakurya, kuleka kuvwiya apapi ndipuso kupumana mu mabanja

Bayibolu likukambiya limu za vinthu vinandi vo vichitika mazuŵa nganu. Likukambiya limu kuti ŵanthu azamuja akwanja ndalama, ambula kuvwiya apapi, akali ndipuso akwanja vakusangaluska.

Likukamba so kuti kwazamuchitika vidiririsi, nkhondu, nja ndipuso matenda ngazamuwanda ukongwa. Venivi ndivu nadi vichitika mazuŵa nganu.

Kaboni waku Yehova wapharazgiya munthu uthenga wamampha wa Ufumu

Yesu nayu wangukamba kuti uthenga wamampha wa Ufumu wazamupharazgika pacharu chosi chapasi.—Mateyu 24:14.

Ufumu wenuwu wazamutuzgapu vinthu vosi viheni vo vichitika. 2 Peturo 3:13

Ŵanthu aheni abayika pa nkhondu ya Aramagedoni, ndipu pavuli paki Satana ndi angelu aheni alangika

Pambula kuswera yapa, Yehova wabayengi ŵanthu wosi aheni.

Satana pamoza ndi angelu aheni alangikengi.

Yesu waja pampandu waki waufumu kuchanya ndipu ŵanthu amitundu yakupambanapambana akondwa

Wosi wo avwiya Chiuta azamutaskika ndipu azamusere mucharu chifya chaurunji. Mucharu chenichi ŵanthu azamuchita mantha cha kweni azamugomezgananga ndipuso kuyanjana.