LAYIBULARE YA PA INTANETI
Watchtower
LAYIBULARE YA PA INTANETI
Chitonga (Malawi)
  • BAYIBOLU
  • MABUKU
  • MAUNGANU
  • lfb sambiru 24 p. 62-p. 63
  • Ayisirayeli Anguleka Kuchita vo Angulayizga

Vidiyo yo mwasankha palivi.

Pepani, vidiyo iyi yikana kujula.

  • Ayisirayeli Anguleka Kuchita vo Angulayizga
  • Sambirani Nkhani za m’Bayibolu
  • Nkhani Yakuyanana
  • Mwana wa Ng’ombi Wagolidi
    Buku Langu la Nkhani za m’Bayibolo
  • Chivwati cho Chakoliyanga Motu
    Sambirani Nkhani za m’Bayibolu
  • Mosese Wapuma Jarawi
    Buku Langu la Nkhani za m’Bayibolo
  • Yehova Wapereka Malangu Ngaki
    Buku Langu la Nkhani za m’Bayibolo
Wonani Vinandi
Sambirani Nkhani za m’Bayibolu
lfb sambiru 24 p. 62-p. 63
Ayisirayeli atumba ndi kuviniya mwana wa ng’ombi

SAMBIRU 24

Ayisirayeli Anguleka Kuchita vo Angulayizga

Yehova wangukambiya Mozesi kuti: ‘Uzi kwaku ini kunu kuphiri. Ndilembengi marangu ngangu pa mya ndipu ndikupasengi.’ Mozesi wanguluta kuphiri ndipu wanguja kweniko mazuŵa 40, usiku ndi msana. Pa nyengu yo wenga kweniko, Yehova wangulemba Marangu 10 pa mya yiŵi ndipu wanguyipereka kwaku Mozesi.

Mozesi waponya mya pasi

Pati pajumpha nyengu, Ayisirayeli aŵanaŵananga kuti Mozesi waŵathaŵa. Yiwu angukambiya Aroni kuti: ‘Tikhumba munthu munyaki kuti watilongozgengi. Utipangiyi chiuta!’ Aroni wanguti: ‘Ndipaseni golidi winu.’ Iyu wangusungunuwa golidi yo ndi kupanga chikozgu cha mwana wa ng’ombi. Ŵanthu wo angukamba kuti: ‘Mwana wa ng’ombi uyu ndiyu Chiuta widu yo wakutituzga ku Ijipiti!’ Yiwu angwamba kusopa mwana wa ng’ombi mwenuyu ndipuso anguchita phwandu. Kumbi yiwu angunangisa? Hinya, chifukwa angulayizga kuti asopengi Yehova pe kweni pa nyengu iyi anguleka kuchita vo angulayizga.

Yehova wanguwona vo vachitikanga ndipu wangukambiya Mozesi kuti: ‘Luta kwa Ayisirayeli. Yiwu aleka kundivwiya ndipu ayamba kusopa chiuta waboza.’ Mozesi wangusika muphiri ndipu wangupinga mya yiŵi.

Mozesi wati wafika kufupi ndi msasa, wanguvwa ŵanthu achimba. Iyu wanguŵawona achivina kweniso achigwadiya mwana wa ng’ombi. Mozesi wangukwiya ukongwa. Iyu wanguponya pasi mya yiŵi yo wangupinga ndipu yingusweka. Mozesi wanguphwanya mwaliŵiliŵi mwana wa ng’ombi mwenuyu. Pavuli paki, wangufumba Aroni kuti: ‘Kumbi ŵanthu angukambanji kuti upangi chinthu chiheni chenichi?’ Aroni wangukamba kuti: ‘Ungakwiyanga cha. Utiŵaziŵa umampha mo ŵanthu yaŵa aliri. Yiwu akhumbanga chiuta, ndichu chifukwa chaki ndinguto golidi yo angundipasa ndi kumuponya pamotu ndipu ndinguŵapangiya mwana wa ng’ombi.’ Aroni wakhumbikanga kuchita ivi cha. Mozesi wanguluta so kuphiri ndipu wangupempha Yehova kuti waŵagowoke ŵanthu yaŵa.

Yehova wangugowoke ŵanthu wo ŵenga akunozgeka kumuvwiya. Kumbi wawona chifukwa cho Ayisirayeli akhumbikiyanga kuvwiya vo Mozesi waŵakambiyanga?

“Asani walayizga kwaku Chiuta ungasweranga cha kufiska vo walayizga, pakuti iyu wakondwa cha ndi ŵanthu azereza. Vo walayizga fiska.”—Wakutawula 5:4

Mafumbu: Ntchinthu wuli cho Ayisirayeli anguchita pa nyengu yo Mozesi pengavi? Nanga ntchinthu wuli cho Mozesi wanguchita wati wawe?

Ekisodo 24:12-18; 32:1-30

    Mabuku nga Chitonga (1996-2025)
    Tuwanipu
    Sereni
    • Chitonga (Malawi)
    • Tumizani
    • Vo Mukhumba
    • Copyright © 2025 Watch Tower Bible and Tract Society of Pennsylvania
    • Fundu zo Mutenere Kulondo
    • Nkhani Yakusunga Chisisi
    • Kusintha Vinthu Vachisisi
    • JW.ORG
    • Sereni
    Tumizani