Mazu Ngakwamba nga Chigaŵa 1

Bayibolu litamba ndi kukonkhoska vinthu vakutowa vo Yehova wakupanga, kuchanya ndi pacharu chapasi. Asani ndimwi mpapi, wovyani mwana winu kuziŵa vinthu vinandi vakuziziswa vo Yehova wakulenga. Mukonkhoskiyeni kuti Chiuta wakupanga ŵanthu mwakupambana ndi vinyama. Ŵanthu alongoro, kuŵanaŵana, kupanga vinthu, kumba sumu kweniso kupemphera. Muwovyeni kuti waziŵi nthazi zaku Yehova, zeru zaki ndipuso kuti watanja vinthu vosi vo wakupanga, kusazgiyapu weyosi waku isi.