Mazu Ngakwamba nga Chigaŵa 7

Chigaŵa ichi chikonkhoska vo vinguchitika pa umoyu wa Fumu Sauli ndipuso wa Fumu Davidi. Vakuchitika va muchigaŵa ichi vinguto vyaka 80. Pakwamba, Sauli wenga wakujiyuyuwa kweniso wawopanga Chiuta, kweni wanguswela cha kusintha ndipu wangukana ulongozgi waku Yehova. Yehova wangumukana ndipu pati pajumpha nyengu wangusankha Davidi kuti ndiyu waje fumu ya Ayisirayeli. Chifukwa cha sanji, Sauli wakhumbanga kumubaya Davidi, kweni Davidi wanguwezge cha. Yonatani, mwana waku Sauli, wanguziŵa kuti Davidi wangusankhika ndi Yehova. Chinanga kuti Davidi wanguchita maubudi ngakulu, kweni wangukana cha ulongozgi waku Yehova. Asani ndimwi mupapi, wovyani ŵana ŵinu kuziŵa kukhumbika kwakuvwiya ulongozgi waku Yehova nyengu zosi.