Mazu Ngakwamba nga Chigaŵa 8

Yehova wangutumbika Solomoni, wangumupaska zeru ndipuso mwaŵi wakuti wazengi nyumba yakusopiyamu kweni kamana ndi kamana Solomoni wangumuleka Yehova. Asani ndimwi mupapi, mukonkhoskiyeni mwana winu vo ŵanthu wo asopanga achiuta aboza anguchita vo vinguchitisa kuti Solomoni wamuleki Chiuta. Ufumu ungugaŵikana ndipu mafumu ngaheni nganguchitiska Ayisirayeli kuti agalukiyi ndipuso asopengi angoza. Pa nyengu iyi, achimi anandi akugomezgeka aku Yehova atombozgekanga ndipuso abayikanga. Fumukazi Yezebeli yinguchitisa ufumu wa ku nkhondi wa Yisirayeli kuti ugalukiyi ukongwa Yehova. Iyi yenga nyengu yakusuzga ukongwa ya mu mbiri Ayisirayeli. Kweni penga mbwenu Ayisirayeli anyaki akugomezgeka wo asopanga Yehova kusazgiyapu fumu Yehosafati kweniso mchimi Eliya.