BOKOSI 16B
Kumbi Kukuta Ndi Kutamantha, Kuŵika Chisimikizu Kweniso Kuswa Vazamuchitika Zuŵanji Kweniso Mu Nthowa Wuli?
Chiwona cho chikonkhoskeka mu Ezekiyeli chaputala 9, chifiskika mazuŵa nganu. Mo tivwiya pa nkhani ya mo vinthu vo vikonkhoskeka muchaputala 9 vichitikiyengi kunthazi, vingatiwovya kuti tilindizgengi umaliru wa nyengu yinu ndi chivwanu
“Kukuta ndi kutamantha”
ZUŴANJI: Mu mazuŵa ngakumaliya, chisuzgu chikulu chechendayambi
MU NTHOWA WULI: Ŵanthu a mitima yamampha alongo kuziya mu vo akamba ndi kuchita kuti atinkha vinthu viheni vo vichitika mucharu ichi. Yiwu avwisiya uthenga wamampha wo upharazgika, alutirizga kuja ndi mijalidu nge yo Khristu we nayu, abatizika kulongo kuti ajipereka kwaku Yehova kweniso atovya abali aku Khristu mwakugomezgeka
“Kuŵika chisimikizu”
ZUŴANJI: Pa nyengu ya chisuzgu chikulu
MU NTHOWA WULI: Munthulumi yo we ndi kachikwama ka mlembi, wamiya Yesu Khristu asani waziza kuti waziyeruzgi ŵanthu a mitundu yosi. Ŵanthu wo ŵe mugulu la mzinda ukulu, azamuyeruzgika pamwenga kuŵikika chisimikizu kuti ndi mbereri kulongo kuti yiwu azamutaskika pa Aramagedoni
“Kuswa”
ZUŴANJI: Pa Aramagedoni
MU NTHOWA WULI: Yesu Khristu limoza ndi magulu ngaki ngankhondu ngakuchanya, ngo ngasazgapu angelu ndipuso a 144,000 wo wamulamuliya nawu limoza, azakuchinangiya limu charu chiheni ichi ndipuso azamutaska ŵanthu wo asopa mwauneneska ndi kuŵasereza mucharu chifya chaurunji