BOKOSI 20A

Kugaŵa Malu

Chiwona chaku Ezekiyeli cho chakonkhoskanga mo malu ngatenere kugaŵikiya mwakuyanana, chinguŵasimikiziya Ayuda wo ŵenga ku ukapolu kuti charu chawu chamuwezekiyapu nadi. Kumbi isi tingasambiranji ku chiwona chenichi mazuŵa nganu? Tiyeni tikambiskani vigaŵa viŵi va chiwona chenichi:

Mapu ngakulongo mphaka za malu ngo ngangugaŵika kwa Ayuda wo anguweku ku ukapolu nge mo Ezekiyeli wangulembe. Vihara va mafuku vagaŵika mwakuyanana kutuliya kunkhondi mpaka kumwera, kwambiya ndi fuku laku Dani, Ashere, Nafutali, Manasi, Efurayemu, Rubeni, Yuda, Chigaŵa cho Muperekengi (gulu lo litendeska vinthu), Benjamini, Simiyoni, Isakara, Zebuloni ndi Gadi.

Malu ngakuvikilirika kweniso uteŵeti wakuzirwa

Munthu weyosi yo wanguweku ku ukapolu, wangulonde chihara Mucharu Chakulayizgika cho chinguwezekiyapu. Mazuŵa nganu napu, mu paradayisu wauzimu, mteŵeti weyosi waku Yehova we ndi malu ngaki. Kwali tichita uteŵeti wuli mugulu laku Chiuta, tosi te ndi malu ngakuvikilirika kweniso tichita uteŵeti wakuzirwa mucharu chauzimu. Kwaku Yehova, ateŵeti ŵaki wosi watiŵawona kuti mbakuzirwa.

Kupaskika malu ngakuyanana

Mu chiwona chaku Ezekiyeli, chigaŵa chechosi cha Mucharu Chakulayizgika, chawovyanga ŵanthu wo ajangamu kulonde vitumbiku vinandi vakuyanana. Mwakuyanana waka, mazuŵa nganu napu Yehova wapaska ateŵeti ŵaki vitumbiku vakuyanana mu paradayisu wauzimu.

Weliyani pa mutu 20, ndimi 5-11