Kumbi Bayibolu Likambanji?

Kumbi Bayibolu lingakuwovyani kuti mulekengi kusuzgika maŵanaŵanu?

Kumbi mungamuka kuti

• Hinya?

• Awa?

• Panyaki?

Vo Bayibolu likamba

‘Muponyiyeni Chiuta vosi vo mufipa navu mtima, chifukwa watikuphweriyani.’ (1 Petro 5:7) Bayibolu lilongo kuti Chiuta wangakuwovyani kuti muleki kusuzgika maŵanaŵanu.

Fundu zinyaki zo tisambira m’Bayibolu

• Pempheru lingakuwovyani kuja ndi “chimangu chaku Chiuta” cho chitovya kuti munthu waleki kusuzgika maŵanaŵanu.—Ŵafilipi 4:6, 7.

• Kuŵerenga Mazu Ngaku Chiuta kungakuwovyani so kuti muleki kufipa mtima.—Mateyu 11:28-30.

Kumbi ŵanthu azamuleka kusuzgika maŵanaŵanu?

Ŵanthu anyaki agomezga . . . kuti taŵanthu tikulengeka kuti tisuzgikengi maŵanaŵanu penipo anyaki agomezga kuti munthu waleka kusuzgika maŵanaŵanu asani waluta kuchanya pamwenga wabalika so kumalu nganyaki. Kumbi imwi muŵanaŵana wuli?

Vo Bayibolu likamba

Chiuta wazamutuzgapu vinthu vo vichitisa kuti taŵanthu tisuzgikengi maŵanaŵanu. Iyu wakutilayizga kuti: “Nyifwa yazamuŵapu so cha, chinanga nkhuliya, chinanga nkhukuta, chinanga mburwirwi kuti vazamuŵapu so cha.”—Chivumbuzi 21:4.

• Fundu zinyaki zo tisambira m’Bayibolu

• Mu Ufumu waku Chiuta ŵanthu azamuja mwa chimangu.—Yesaya 32:18.