Nthowa Yamampha yo Tingakondwe ndi Sumu za Ufumu

Ateŵeti aku Chiuta awona kuti sumu nchawanangwa chamampha ukongwa chakutuwa kwaku Yehova. (Yako. 1:17) Mipingu yinandi yitanja kuŵika Sumu za Ufumu kuti zimbengi chapasipasi maunganu ngechendayambi kweniso asani ngamala. Kumba sumu za ufumu ndi nthowa yamampha ukongwa yakwambiya umampha maunganu. Zititiwovya kuti tinozgekereski maŵanaŵanu ngidu pa kusopa. Kweniso, kumba sumu zifya za mubuku la sumu kutitiwovya kuti tiziziŵi ndipuso kuti tizimbengi umampha. Sumu zo zimbika asani maunganu ngamala zichitiska kuti tije ndi nyengu yamampha yakucheza ndi anyidu. Mwaviyo, mawupu nga ŵara nganganozga kuti aŵikengi CD ya Imbirani Yehova yakumbika ndi piyano maunganu ngechendayambi ndipuso asani ngamala. Ŵara atenere kuwonesesa kuti sumu izi zingakwelanga ukongwa cha vo vingapangiska kuti ŵanthu aleki kuvwilana umampha asani akambiskana.