Timatambala Tiŵi Tambula Kuzirwa

Nthowa yamampha ukongwa yo tingawovye pa nchitu ya Ufumu, nkhupereka ndalama zakuti ziwovyi pa nchitu yakupharazga yapacharu chosi. Tingachita wuli asani tisaniya ndalama zimana?

Nyengu yinyaki Yesu wanguwona choko chikavu chichiponya timatambala tiŵi tambula kuzirwa, mu bokosi lakuponyamu ndalama mu nyumba yakusopiyamu. Chifukwa chakwanja Yehova, choko ichi chingupereka “ku usauchi waki, . . . vosi vo chenga navu, umoyu waki wosi.” (Marko 12:​41-44) Yesu wanguwona kuti timatambala to choko ichi chingupereka tenga takuzirwa ukongwa kwaku Chiuta. Akhristu a munyengu ya akutumika, awonanga kuti kupereka ndalama ku nchitu yakupharazga ndi udindu wa ŵanthu akukhupuka pe cha. Wakutumika Paulo wangupereka chakuyeruzgiyapu cha ŵanthu a ku Makedonia wo, chinanga kuti ŵenga mu ‘ukavu ukuru . . . angumuŵeyere weniukongwa mulinweka la mtima kuti awovyeku.’​—⁠2 Ŵako. 8:​1-4.

Mwaviyo, titenere kuziŵa kuti ‘timatambala tiŵi tambula kuzirwa’ to tingapereka tingapanga ndalama zinandi asani tingasazgika pamoza. Asani tipereka mwakutuliya pasi pa mtima tikondweska Awuskefwi a kuchanya ndipuso achanju, chifukwa “Chiuta watanja mpaski wamasangu.”​—⁠2 Ŵako. 9:⁠7.