Vo Ampupuka Afumba—Kumbi Ndichitengenji pa Umoyu Wangu?—(Chigaŵa 1)
Asani ampupuka afika pa ura, atenere kusankha vakuchita vakukhumbika ukongwa. Kuti muŵawovyi, gwiriskiyani nchitu mafumbu yanga pakukambiskana mutu 38 mu buku la Mayankho a Zimene Achinyamata Amafunsa, Buku Lachiwiri. (1) Kumbi lemba la Nthanthi 4:26, lingawovya wuli ampupuka kuti asankhi mwazeru vinthu vo angazichita kunthazi? (peji 311) (2) Kumbi nchinthu wuli cho chingawovya ampupuka kuti akondwengi pa umoyu? (Peji 312-313) (3) Kumbi ndi mauteŵeti nanga ngo ampupuka angachita? (Peji 313, 315) (4) Kumbi imwi muwona kuti mungafiska kuchita uteŵeti nuwu? (gwiriskiyani vithuzithuzi va pa peji 316-317) (5) Kumbi wampupuka wangaja ndi vilatu wuli pa nkhani ya (a) Uteŵeti (b) Kusambira Bayibolo (c) Mumpingu. (peji 314) (6) Kumbi Yehova watiŵatumbika wuli ŵanthu wo ŵe mu uteŵeti wanyengu zosi? (Ŵerengani Malaki 3:10) (7) Kumbi ampupuka anganozgeke wuli umoyu wawu wamunthazi? (peji 315-316) (8) Kumbi Roberto wangukambanji vo vingawovya wampupuka kuti wasankhengi vinthu mwazeru pa umoyu waki?—Ŵerengani Nthanthi 20:18, peji 316-317.
Yehova wawona kuti ampupuka wo ŵe mu gulu laki mbakuzirwa. Mwaviyo sabata yamawa tazamukambiskana vo vingaŵawovya kuti aluti panthazi pakumuteŵete. Mukanozgeke kuzimuka mafumbu ngo tazamukambiskana pa Unganu wa Uteŵeti.