“Masachizgu nga mo Tingagaŵiya Magazini mu . . .”

Mwezi wewosi tija ndi chigaŵa cho tikambiskana mo tingagaŵiya magazini pa Unganu wa Uteŵeti. Chilatu cha nkhani iyi nkhukonkhoska vosi vo ve m’magazini cha. Kweni chigaŵa ichi nchakutilongo ŵaka mo tingagaŵiya magazini. Ulongozgi pa nkhani iyi ngwakuti, m’bali yo wapaskika chigaŵa ichi watenere kukonkhoska ŵaka mwakudumuwa fundu zakuchiska zo ze m’magazini. Pavuli paki wafumba masachizgu nga apharazgi pa magazini yeyosi kuti wosi awoni fundu zo angachikamba pakugaŵiya. M’malu mwakufumba akuvwisiya kuti akonkhoski mo amukambiskiyana ndi munthu, wapaskengi mwaŵi abali anandi kuti akambi fumbu lakupaska nja lo angachifumba kweniso lemba lo angachiŵerenga. Pakumaliya, m’bali yo wapaskika chigaŵa ichi, wapemphengi wo apaskika chakuyeruzgiyapu cha mo angagaŵiya magazini yeyosi kuti alongo mo tingachitiya. Tosi tichiskika kuti tiŵerengiyengi limu nkhani za m’magazini yeyosi kuti tinozgeke mo tingachigaŵiya. Asani tosi tinganozgeke umampha chigaŵa ichi, tikambengi fundu zo zinganora malusu nga Akhristu anyidu.—Nthanthi 27:17.