Ndiyani yo Wangakondweseka ndi Nkhani Yeniyi?

1. Asani tiŵerenga magazini ya Chigongwi cha Alinda pamwenga Galamukani! titenere kuŵanaŵaniyanji, ndipu nchifukwa wuli?

¹ Nkhani za mu Chigongwi cha Alinda ndi Galamukani! zinozgeke ŵanthu wosi pacharu chapasi. Mwaviyo, zitovya ŵanthu pa nkhani zakupambanapambana. Asani tiŵerenga nkhani m’magazini yidu, tiŵanaŵaniyengi munthu yo nkhani yo yingamukondwesa, pavuli paki tikamugaŵiyi magazini yo.

2. Kumbi ndi nkhani wuli zo zingasanirika m’magazini ngidu zo zingakondwesa ŵanthu anyaki?

² Kumbi Chigongwi cha Alinda cho mwalonde sonu, chikonkhoska nkhani yo mungukambiskanapu nyengu yinyaki ndi munthu yo mugwira nayu nchitu? Pamwenga mwe nkhani yo yikonkhoska mo banja lingajaliya ndi likondwa, yo yingawovya mubali winu? Kumbi mwe ndi munyinu yo wakhumba kuluta ku charu chinyaki cho chikukonkhoskeka mu Galamukani!? Kumbi pe magazini yo yikoliyanaku ndi ŵanthu wo achita mabizinesi pamwenga agwira nchitu mu maofesi nga boma nga m’chigaŵa chinu? Mwakuyeruzgiyapu, magazini ngo ngakonkhoska masuzgu ngo ŵanthu akukota akumana nangu, mungaluta nangu ku nyumba zo asungiyaku ŵanthu akukota. Ŵaraŵara aboma angayanja magazini ngo ngakonkhoska nkhani za kuleka kuvwiya marangu.

3. Konkhoskani chakuwoniyapu cho chilongo kukhumbika kwakugaŵiya magazini ŵanthu wo tiwona kuti angakondweseka ndi nkhani za m’magazini ngidu .

³ Vo Anyaki Anguchita: Banja linyaki ku South Africa, lati lalonde Galamukani! ya October 2011, yo yenga ndi mutu wakuti: “Kodi Mungalere Bwanji Ana Anu Kuti Akule Bwino?” angumbiya foni sukulu zakukwana 25, zo ze m’chigaŵa cha mpingu wawu. Sukulu zakukwana 22, zingulonde magazini ndipu pavuli paki asambizi angugaŵiya ŵana a pasukulu zo. Banja linyaki so m’charu chenichi, linguchita mwakuyanana ndipu nalu lingugaŵiya so magazini kusukulu za m’chigaŵa chawu. Ndipu asambizi a pasukulu yinyaki angusankha kuti sabata yeyosi agwiriskiyengi nchitu magazini asani asambiza. Banja lo, lingumukonkhoske venivi wakuwonere dera. Pavuli paki, iyu wanguchiska mipingu ya m’dera laki kuti yiyesi kupharazgiya sukulu za muvigaŵa vawu. Ŵanthu anandi angupempha nthambi ya m’charu cho kuti yisindikizi so magazini ngenanga.

4. Nchifukwa wuli tikhumbika kugaŵiya ŵanthu anandi magazini?

⁴ Magazini ngidu ngakonkhoska chifukwa cheneku cho vinthu viheni vichitikiya mazuŵa nganu, yitovya ŵanthu kuti aziŵi vo Bayibolo likamba kweniso vo Ufumu waku Chiuta wazamuchita. Pacharu chosi chapasi ndi magazini ngenanga pe ngo ‘ngataula utaski.’ (Yes. 52:7) Mwaviyo, tikhumbika kugaŵiya ŵanthu anandi. Nthowa yamampha yakufiskiya venivi, nkhujifumba kuti, ‘Ndiyani yo wangakondweseka ndi nkhani yeniyi?’