Wovyani Ŵanthu Kuti Aziŵi Nthazi ya Mazu Ngaku Chiuta

Asani munthu wazomera kuti timupharazgiyi, titiwugwiriskiya nchitu umampha mwaŵi wenuwu. Titimuwovya kuziŵa nthazi ya Mazu Ngaku Chiuta mwakuŵerenga nayu malemba kutuliya m’Bayibolo. Fundu iyi yingukonkhoskeka so umampha pa unganu wapade wa chaka cha 2013. Wakuwonere dera wangukamba nkhani yamutu wakuti: “Zomerezgani Kuti Nthazi ya Mazu Ngaku Chiuta Yikuwovyeni Mu Uteŵeti Winu.” Kumbi mukumbuka fundu zikuluzikulu za m’nkhani yeniyi?

• Kumbi nchifukwa wuli tingakamba kuti Mazu Ngaku Chiuta nganthazi kuluska ngidu?​—2 Tim. 3:16, 17.

• Kumbi Bayibolo lingasintha wuli vo munthu waŵanaŵana, mijalidu yaki, vo wagomezga kweniso vilatu vaki?​—Wonani Chigongwi cha Alinda cha Chichewa cha June 15, 2012, peji 27, ndimi 7.

• Asani tiŵerenge munthu Mazu Ngaku Chiuta mu uteŵeti, kumbi tingachita wuli kuti wangatumbikengi?—Wonani buku la Sukulu ya Utumiki, peji 148, ndimi 3-4 ndipuso Uteŵeti Widu wa Ufumu wa March 2013, peji 6, ndimi 8.

• Nchifukwa wuli titenere kukonkhoska malemba ngo taŵerenga, nanga tingachita wuli venivi?​—Mac. 17:2, 3; wonani buku la Sukulu ya Utumiki, peji 154, ndimi 4 mpaka peji 156, ndimi 5.