Masachizu nga vo Mungakamba

Fumbu: Kumbi Bayibolu likutuliya nadi kwaku Chiuta pamwenga ndi buku la zeru za ŵanthu?

Lemba: 2 Tim. 3:16

Gaŵiyani: Magazini iyi ya Jani Masu! yikonkhosa maukaboni ngatatu ngo tiziŵiya kuti Bayibolu likutuliya nadi kwaku Chiuta.

Fumbu: Kumbi titenere kuyiwona wuli mphasu ya umoyu?

Lemba: Chiv. 4:11

Uneneska: Titiwutumbika ukongwa umoyu chifukwa ndi mphasu yakutuliya kwaku Chiuta. Tichita vinthu mwakuphwere ndipu tikhumba cha kuti tinangiyi dala umoyu wa munthu munyaki. Titiyitumbika ukongwa mphasu yeniyi.

Fumbu: Wonani fumbu lo le pakapepala yaka ndipu mungasankhapu ansala yimoza pa maansala ngatatu. Kumbi imwi muwona wuli?

Lemba: Luka 11:28

Gaŵiyani: Kapepala yaka ke ndi fundu zo zingawovya banja linu kweniso kakonkhosa chifukwa cho titenere kugomeze vo Bayibolu likamba.