CHUMA CHAKUTULIYA M’MAZU NGAKU CHIUTA | MATEYU 10-11
Yesu Wakambanga Mazu Ngakusisipuwa
“Goli langu ndipusu”
Chifukwa chakuti Yesu wenga kalipentala, iyu waziŵanga umampha mo goli lapangikiyanga ndipuso watenere kuti waziŵanga mo alikulungiyanga ndi salu pamwenga chikumba kuti munthu waligwirisiyengi ntchitu umampha kwambula kumupweteka paliŵavu. Asani tizomera kupinga goli laku Yesu nge akusambira ŵaki pa nyengu yo tibatizika, ndikuti tizomera ntchitu ndipuso maudindu ngakusuzga ukongwa. Kweni kuchita viyo nkhwakusisipuwa ukongwa chifukwa kuzisa vitumbiku vinandi.
Kumbi mwasaniya vitumbiku wuli kutuliya po mukwambiya kupinga goli laku Yesu?