“Lutirizgani Kuja Masu”

25:1-12

Chinanga kuti Yesu wakambiyanga ukongwa akusambira ŵaki akusankhika ntharika ya amwali 10, kweni fundu za muntharika yeniyi zikwaska so Akhristu wosi. (w15 3/15 12-16) “Mwaviyo, lutirizgani kuja masu chifukwa mutiliziŵa cha zuŵa pamwenga ora laki.” (Mate. 25:13) Kumbi mungayikonkhoska ntharika yaku Yesu yeniyi?

• Munthurumi mweneku wa nthengwa (vesi 1)—Yesu

• Amwali azeru wo angunozgeke (vesi 2)—Akhristu akusankhika wo mbakunozgeka kufiska uteŵeti wawu mwakugomezgeka kweniso wo aŵala nge vakumbulikiya mpaka pakumaliya (Afi. 2:15)

• Kudanirizga kuti: “Munthulumi mweneku wa nthengwa yo!” (vesi 6)—Visimikizgu va kuŵapu kwaku Yesu

• Amwali akupusa (vesi 8)—Akhristu akusankhika wo anguluta kuchikumana ndi Munthulumi mweneku wa nthengwa kweni angulutirizga cha kuja masu kweniso kugomezgeka

• Amwali azeru akana kugaŵiyaku anyawu mafuta ngawu (vesi 9)—Pavuli pakulonde chisimikizgu chakumaliya, Akhristu akusankhika wo mbakugomezgeka azakuŵawovya so cha Akhristu akusankhika wo alekiyengi dala kugomezgeka

• “Munthulumi mweneku wa nthengwa wangufika” (vesi 10)—Yesu watuza kuzipereka cheruzgu asani chisuzgu chikulu che pafupi kumala

• Amwali azeru asere munyumba ya phwandu la nthengwa limoza ndi munthulumi mweneku wa nthengwa, ndipu chisasa chijalika (vesi 10)—Yesu wawunganiskiya kuchanya Akhristu akusankhika wo mbakugomezgeka, kweni wo mbambula kugomezgeka atondeka kulonde mphotu yawu yakuluta kuchanya