Kumbi Yehova Watingi Wasankhengenji?

Techendasankhi vakuchita, kaya vikulu pamwenga vimana, titenere kujifumba kuti, ‘Kumbi Yehova watingi wasankhengenji?’ Chinanga kuti tingaziŵa maŵanaŵanu ngosi cha ngaku Yehova pa nkhani yo, kweni kuziya mu Mazu ngaki, iyu watitiwovya kuziŵa mo tingasankhiya umampha vinthu kuti tije akunozgeka “kugwira ntchitu yeyosi yamampha.” (2 Timo. 3:16, 17; Aro. 11:33, 34) Yesu wachitanga khumbu laku Chiuta ndipu waliwonanga kuti ndilu lakukhumbika ukongwa pa umoyu waki. (Yoha. 4:34) Nge mo Yesu wachitiyanga, nasi tikhumbika kusankha vinthu vo vingakondwesa Yehova.—Yoha. 8:28, 29; Aefe. 5:15-17.

WONERIYANI VIDIYO YAKUTI LUTIRIZGANI KUZIŴA KHUMBU LAKU YEHOVA (ŴALE. 19:18), PAVULI PAKI MUKANI MAFUMBU YANGA:

• Ntchifukwa wuli tikhumbika kugwiriskiya ntchitu fundu za mu Bayibolu pa umoyu widu?

• Kumbi ndi fundu za mu Bayibolu nizi zo zingatiwovya kuti tisankhengi sumu zamampha?

• Kumbi ndi fundu za mu Bayibolu nizi zo zingatiwovya kuti tisankhengi umampha vakuvwala kweniso kuti tijitowesengi mwakwenere?

• Kumbi fundu za mu Bayibolu tingazigwiriskiya so ntchitu pa vakuchitika nivi pa umoyu widu?

• Kumbi tingachita wuli kuti tiziŵengi vo Yehova wakhumba?