Musankhengi Vakukondwesa Mwazeru

Ntchifukwa wuli tikhumbika kusankha vakukondwesa mwazeru? Tikhumbika kusankha mwazeru mafilimu, sumu, mawebusayiti, mabuku ngo tingaŵerenga, pamwenga magemu ngo tingaseŵe, chifukwa vo tingasankha ndivu vijengi mumaŵanaŵanu ngidu. Vo tisankha vingasintha nkharu yidu. Kweni chakupaska chitima ntchakuti vakukondwesa vinandi mazuŵa nganu vija ndi vinthu vo Yehova watinkha. (Sumu 11:5; Aga. 5:19-21) Ndichu chifukwa chaki Bayibolu lititichiska kuti nyengu zosi tiŵanaŵaniyengi vinthu vo vitumbika Yehova.—Afi. 4:8.

WONERIYANI VIDIYO YAKUTI KUMBI NDITENERE KUSANKHA VAKUKONDWESA VAMTUNDU WULI? PAVULI PAKI MUKANI MAFUMBU YANGA:

• 

  Kumbi masaza ngakupumana ngo Aroma achitanga ngayanana wuli ndi vakukondwesa vinyaki va mazuŵa nganu?

• 

  Kumbi abali ndi azichi mumpingu angaŵawovya wuli achinyamata kuti asankhengi vakukondwesa mwazeru?

• 

  Kumbi lemba la Aroma 12:9 lingatiwovya wuli asani tisankha vakukondwesa?

• 

  Kumbi vakukondwesa nivi vamampha vo visanirika muchigaŵa chinu?