“Lutirizgani Kuŵanaŵaniya Venivi”

Vinthu nivi? Pa Afilipi 4:8, pakamba kuti tiŵanaŵaniyengi vinthu vauneneska, vakukhumbika ukongwa, vaurunji, vakutowa, vakwanjika, vakulumbika, vamampha ndi vakuthamikika. Ivi ving’anamuwa kuti Akhristu ajaliyengi waka kuŵanaŵaniya vo Malemba ngakamba pe cha. Chinanga kuti veviyo, vo tiŵanaŵana nyengu zosi vikhumbika kukondwesa Yehova. Tikhumbika cha kuŵanaŵana vinthu vo vingachitiska kuti chivwanu chidu mwaku Yehova chidewezeki.—Sumu 19:14.

Tingaleke limu cha kuŵanaŵana vinthu viheni. Tikhumbika kulimbana ndi liŵavu lidu lambula kufikapu kweniso Satana, yo ndi “chiuta wa mugonezi wunu.” (2 Akori. 4:4) Maŵanaŵanu ngaki ngasanirika peposi mazuŵa nganu, nge pa TV, pa wayilesi, pa intaneti kweniso mumabuku. Asani tileka kuphwere ndi vo tisereza mu maŵanaŵanu ngidu, tingayamba kuŵanaŵana vinthu viheni ndipu pakumaliya paki nkharu yidu yinganangika.—Yako. 1:14, 15.

WONERIYANI VIDIYO YAKUTI KANANI VINTHU VO VINGACHITISA KUTI MULEKI KUJA AKUGOMEZEKA—VAKUKONDWESA VIHENI, PAVULI PAKI KAMBISKANANI MAFUMBU YANGA:

• 

  Kumbi mubali uyu wawonanganji pa foni, nanga venivi vinguchitiska kuti wayambi kuchitanji?

• 

  Kumbi vo lemba la Agalatiya 6:7, 8 kweniso la Sumu 119:37 likamba vingumuwovya wuli?